होसे 4

परमेस्वर को इस्राएल प आरोप

1अरे इस्राएली हुन, यहोवा को वचन सुनो, यू देस ख रहन वाला हुन को संग यहोवा को मुकद्दमा है। यू देस म न तो कुछ सच्चई है, न कोई दया अऊर कुछ नी परमेस्वर को ग्यान ही आय।1 2यहाँ साप देवन, झुठ बोलन, नास करन, चुराने, अऊर गलत काम करन ख छोड़ कुछ नी होवा; वी नेम की सीमा को पार कर ख बुरो काम करा है अऊर खून ही खून होवा है। 3यू वजे से यू देस विलाप करेगो, अऊर रफाड़ का जीव-जन्तु हुन, अऊर बध्दल को पक्छी हुन सहीत ओको सब रहवन वाला मुरजा जाएँगो; अऊर समुंदर की मच्छी हुन भी मर ही जाहे।

परमेस्वर को याजक हुन प आरोप

4देख, कोई लड़ई झगड़ा नी करे, न कोई डाँटनो, काहेकि तोरा इंसान हुन तो याजक हुन से लड़ाई-झगड़ा करन वाला हुन को जसो है। 5तू दिन दोपहर ठोकर खाएगो, अऊर रात ख भविस्यवक्ता हुन भी तोरो संग म ठोकर खाएगो; अऊर मी तोरी इस्राएल माय ख नास करुँगो। 6मोरो ग्यान को नी होनो से मोरी प्रजा नास हो गई; तू न मोरो ग्यान ख तुच्छ जानयो है, ऐकोलाने मी तो ख अपनो याजक रहवन को लायक नी ठहराऊँगो। ऐकोलाने कि तू न अपनो परमेस्वर को नेम ख तज दियो है, मी भी तोरा बाल-बच्‍चा हुन ख छोड़ देऊगो। 7जसो वी बढ़ते गयो, वसो ही वी मोरो विरोध म पाप करतो गयो; मी उन को मान सम्मान को बदला म उन की बेज्जती करूंगो। 8तुम मोरो लोग हुन को पाप हुन से धनी बनह है अऊर ऐकोलाने तुम चाहवा है की वी अऊर ज्यादा पाप करे। 9ऐकोलाने जसो याजक वसी प्रजा की दसा होए, उ याजक हुन ख भी होय; मी उनको चाल चलन को दण्ड दूँगो, अऊर उनको काम हुन को लायक उन ख बदला देऊंगो। 10तुम बलि को अपनो हिस्सा खांएगो, लेकिन फिर भूखा रहेगो। तुम दुसरा देवता हुन की पूजा करेगो, लेकिन फिर भी तुमरो कोई संतान नी होए, काहेकि तुम मोसे दूर हो ख दुसरो देवता हुन को पीछे वेस्या को अनुसार चलन लग गया है।

परमेस्वर को दुवारा मूर्ति पूजा को दोस

11परमेस्वर कहवा, रंडी बाजी अऊर अंगूर को रस अऊर ताजो अंगूर को रस, यी तीनी अकल2 ख भ्रस्ट करा है।3 12मोरी प्रजा का इंसान काठ को पुतला से प्रस्न करा है, अऊर ओकी छड़ी उनको भविस्य बतावा है। काहेकि वेस्या को काम करन वाली आत्मा न उन ख बहका दियो है, अऊर वी अपनो परमेस्वर की बात हुन ख छोड़ ख धोखा देवा है। उनना खुद ख दे दियो है। 13बांज, चनार अऊर छोटो बांज झाड़ हुन की छाव अच्छी होवा है, ऐकोलाने वी उन को नीचू अऊर पहाड़ हुन की चोटी हुन पर यग करा, अऊर टिला हुन प धूप जलावा है।

यू वजे से तुम्हारी पोरी हुन वेस्या को काम अऊर तुम्हारी बहु हुन गलत काम वाली हो गई है।

14जब तुम्हारी पोरी हुन गलत काम अऊर तुमारी बहु हुन गलत काम करे, ते मी उन ख सजा नी दूंगो; काहेकि अदमी तुम ही वेस्या हुन को संग अकेलो म जावा, अऊर देवदासी हुन को संग हो ख यग्य करह है; अऊर जे इंसान नी समझा, वी सब नास हो जाएगो। 15हे इस्राएल, यघ्घपि तू वेस्या को काम करा है, फिर भी यहूदा दोसी न बनो। गिलगाल ख नी आओ; अऊर नी बेतावेन ख चलो जावो; अऊर यहोवा की जिन्दगी की कसम कह ख कसम मत खाजो।4 16काहेकि इस्राएल न हठीली बछिया को जसो हट करा है, का अब यहोवा उन ख भेड़ी का बच्‍चा को जसो लम्बो-चऊड़ो मैदान म चराएगो? 17एप्रैम को जन मूरती हुन को बहकावा म है। उन ख अपनो रस्ता प जान दो। 18वी जब अंगूर को रस5 पी लेवा है तब वेस्या को काम म लग जावा है; उनको प्रधान इंसान बेज्जती होवन से जादा प्रेम रखह है, 19हवा उन ख अपनो पंख हुन म बाँध ख उड़ा ले जाएगो, अऊर उन को बलि को लाने उनकी बेज्जती होयगी।