रोमियो 8

सुध्द आत्मा को व्दारा जीवन

1पर अब जो मसी यीसु म हैं, ओ पर सजा1 कि आग्या नी हैं। काहेकि वी सरीर ख अनुसार नी पर आत्मा का अनुसार चल हैं। 2काहेकि जिन्दगी कि आत्मा को नेम नी मसी यीसु म मोखा पाप कि अर मरन कि नेम से आजाद कर दियो। 3काहेकि जो काम नेम से सरीर का लाने कमजोर होकर नी कर सक, ओ ख परमेस्वर नी कियो, असो कि अपनो ही पोरिया ख पाप मय को जिन्दगी ख समान म अर पापबलि होन का लाने भेज ख, जिन्दगी म पाप पर सजा कि आग्या दियो। 4एकोलाने कि नेम कि रीति हम म जो सरीर ख अनुसार नी पर आत्मा ख अनुसार चल हैं, पुरी कि जाहे। 5काहेकि सारीरिक अदमी सरीर कि बात हुन पर मन लगयो हैं; पर आध्यात्मिक आत्मा ख बात हुन पर मन लगाव हैं। 6सरीर पर मन लगानो ते माऊत हैं, पर आत्मा पर मन लगानो जिन्दगी अर सान्ति हैं। 7काहेकि सरीर पर मन लगानो ते परमेस्वर से बुराई रखनो हैं, काहेकि नी ते परमेस्वर कि नेम ख बस म हैं अर नी हो सक हैं; 8अर जे सारीरिक मजबूरी म हैं, वी परमेस्वर ख खुसी नी कर सक हैं।

9पर जब कि परमेस्वर को आत्मा तुम म बसो हैं, ते तुम सारीरिक मजबूरी म नी पर आत्मिक मजबूरी म होव। अदि कोई म मसी को आत्मा नी ते उ ओ ख जान नी। 10अदि मसी तुम म हैं, ते सरीर पाप ख लाने मरी भई हैं; पर आत्मा धर्मी का लाने जिन्दो हैं। 11अदि ओको आत्मा जे न यीसु ख मरो भेयो म से जिन्दो कियो हैं, तुम म बसो भेयो हैं; ते जे न मसी ख मरो भेयो म से जिन्दो, उ तुमारो नासवन सरीर हुन ख भी अपनो आत्मा को व्दारा जो तुम म बसो हुयो हैं, जिन्दो।

12एकोलाने अरे भई हुन, हम ख जिन्दगी को कर्जदार नी कि सरीर ख समान दिन गुजारे, 13काहेकि अगर तुम सरीर ख समान दिन काटे ते मरे, अदि आत्मा से सरीर कि क्रिया हुन ख मारे ते जिन्दो रहे। 14जे व्यक्ति परमेस्वर को आत्मा ख चलायो चल हैं, उ ही परमेस्वर को पोरिया हैं। 15काहेकि तुम ख गुलामी कि आत्मा नी मिली कि ते बिना डर पर कि आत्मा मिली हैं, जेसे हम अरे अब्बा, अरे बाप कह पुकार हैं। 16आत्मा खुद ही हमारो आत्मा ख संग गवाही देव हैं, कि हम परमेस्वर कि पोरिया हैं; 17अर अगर सन्तान हैं ते वारिस भी हैं, पर परमेस्वर कि वारिस अर मसी ख सगो वारिस हैं, कि जब हम ओखा संग दुख उठाएयो ते ओखा संग महिमा भी पाहे।

भविस्य म प्रगट होन वाली महिमा

18काहेकि म समझू हैं कि यी बखत को दुख अर संकट उ महिमा को जसो, जो हम पर प्ररगट होनवाली हैं, कई भी नी हैं। 19काहेकि धरती बड़ी आसा भरी आँख से परमेस्वर को पोरिया हुन ख प्रगट होन का रस्ता देख रही हैं। 20काहेकि धरती अपनी मन से नी पर बस करनवालो कि तरीफ से, बेकार ख अधीन यी आसा से कि गई 21कि धरती भी खुद ही विनास को गुलमी से मुक्ति पा ख, परमेस्वर कि अवलाद हुन कि महिमा कि आजादी मिल करिये। 22काहेकि हम जान हैं कि सारी धरती अब तक मिल ख कराह अर परेसानी हुन म पड़ी तड़प हैं; 23अर अकेलो उ नी पर हम भी जेका नजदीक आत्मा को पहलो फल हैं, खुद ही अपनो म कराह हैं; अर लेपालक होन की, असो कि अपनो सरीर ख छुटकारा की रस्ता देख हैं। 24यू आसा ख व्दारा हमारो उध्दार भयो हैं; पर जी चीज की आग्या कि जाय हैं, जब उ देखन म आयो ते फिर आसा कह रयो? काहेकि जे चीज ख कुई देख रयो हैं ओकी आसा का करे? 25पर जे चीज ख हम नी देखो, अदि ओकी आसा रख हैं, ते धीरे से ओकी रस्ता देख भी हैं।

26यू रीति से आत्मा भी हमारो कमजोर म मदद करूँ हैं: काहेकि हम न जाना हैं कि विनती कसो रीति से करूँ चाहिए, पर आत्मा खुद ही असो आह भर ख जो बियाना से बाहर हैं, हमारो लाने प्रार्थना करूँ हैं; 27परमेस्वर हमारो मन ख परख अर ओ ख पता हैं कि हमारो आत्मा विचार हैं। काहेकि आत्मा अपनो सुध्द लोग हुन ख ओर से अर अपनी इच्छा को अनुसार परमेस्वर से प्रर्थना कर हैं।

28हम ख मालूम हैं कि जे व्यक्ति परमेस्वर से प्रेम कर हैं, उनको लाने सब बात हुन मिल ख भलाई ही ख पैदा कर हैं; पर उन को लाने जे ओकी मर्जी को समान बुलायो हुयो हैं। 29काहेकि जीन न परमेस्वर ख पहले ही से चुनो कि हैं उन ख पहले ही से अपनो पोरिया को जसो ठहरायो भी हैं कि ओको पोरिया सरूप म होय। 30फिर जीन ओ न पहले से ठहरायो, उन ख बुलायो भी: जीन ख बुलायो, जीन धर्मी भी ठहरायो, हैं: अर धर्मी ठहरायो, उन ख बड़ाई भी दियो हैं।

परमेस्वर को प्यार

31अब इन बात हुन ख देखते हुए हम का कह सक हैं अगर परमेस्वर हमारी ओर हैं अर हमारो विरोध कऊन कर सक हैं। 32परमेस्वर न अपनो निजी पोरिया ख भी नी छोड़ ओ न हम सब ख लाने ओ ख समपित कर दियो ते इत्तो देन को बाद का उ मुक्ति म नी देहे? 33परमेस्वर को चुनो भयो पर दोस कोन लगाएगो? परमेस्वर ही न्यायी ही ठहरान वालो हैं। 34फिर कऊन हैं जो हम ख सजा को आग्या देहे? यीसु मसी ही हैं। जो मर गयो अर मुर्दो म से जिन्दो भी भयो हैं, अर परमेस्वर को दाहिनी ओर हैं, अर हमारा लाने निवदेन करह हैं। 35कोन हम ख मसी को प्रेम से अलग करे? का दुख, का सकंट, का उपद्रव, का अकाल, का नांगई का जोखिम, का तलवार? 36जसो लिखो हैं,

“तोरो लाने हम दिन भर मर कियो जाव हैं;

हम वध होनवाली भेड़ी हुन ख समान गिनो गयो हैं।”

37पर इन सब बात हुन म हम ओखा व्दारा जेन हम से प्रेम कियो हैं, जयवन्त से भी बढ़ ख हैं। 38काहेकि म पक्का म जान हैं कि नी माऊत, नी जिन्दगी, नी स्वर्गदूत, नी अधिकारी हुन, नी अभी को, नी भविस्य, नी सक्ति, नी ऊँचाई, 39नी गहराई अर नी कोई अर धरती हम ख परमेस्वर को प्रेम से जे हमारो प्रभु मसी यीसु म हैं दूर कर सके।