परमेस्वर को सच्चो वचन ख जाननू
इफिसीयो 3
सुभसमाचार को सेवक संत पोलुस
यूही वजह से मी पोलुस जे तुम दुसरी जात हुन को लाने मसी यीसु को बन्दी हूँ। अदि तुम न परमेस्वर को उ दया को प्रबंध को समाचार सुना हो, जे तुम्हारो लाने मो ख दियो गयो, अर्थात् याहा कि वहा भेद मो पर प्रकासन को दुवारा प्ररगट हुओ, जसो मी पहले ही संछेप म लिख चुको हूँ, ओखा तुम पढ़ ख जान सका हैं कि मी मसी को उ भेद कहाँ तक समझू हैं। उ भेद पिच्छु की पीढ़ी हुन ख इंसान हुन ख नी बतायो गयो रहा अऊर अब आत्मा को वजेसे ओखा सुध्द प्रेरित हुन अऊर भविस्यवक्ता हुन ख बता दियो गयो हैं। उ भेद आसो हैं कि सुभ समाचार को दुवारा यहूदी हुन को संग गैर यहूदी हुन एक ही जायजात ख पान वाला हकदार हैं, एक ही सरीर ख अंग आय अऊर यीसु मसी म जो वादा हम ख दियो गयो हैं, ओमन संयोगी हैं।
मी परमेस्वर को अपनी सक्ति को प्रभाव को वजेसे मोखा या दया दिली हैं की मी उ सुभसमाचार को सेवक बनूँ। मोरो ऊपर जे सब सुध्द संत हुन म से छोटो से भी छोटो हैं, या रहम या दया भई की मी सब दुसरी जात वाला हुन ख मसी को अगम्य धन को सुसमाचार सुनाऊ, अर सब इंसान हुन ख या बात को भेद सुनाऊ कि, कि उ भेद को राज का हैं, जो सब ख रचन वालो परमेस्वर म सुरु से गुप्त हतो। काहेकि अब कलेसिया को दुवारा परमेस्वर को अनेक तरीका को ग्यान वी प्रधानता हुन अर अधिकारी हुन पा जो स्वर्ग म हैं, परगट करो जाय। परमेस्वर न सनातन काल से जो मनसा अपनो मन म रख्यो रहा, ओ ना ओखा हमरो प्रभु यीसु मसी को दुवारा पुरो करयो। हम मसी पर भरोसा करा हैं, अऊर एको वजेसे हम पक्को भरोसा को संग बे फिकर हो ख परमेस्वर को जोने जावा हैं। एकोलाने मी तुम से बिनती करू हैं कि जो दुख मी तुमरो लाने से रयो हैं, उनको वझे से तुम हिम्मत मत छोड़नो, काहेकि येमा ही तुमारी महिमा हैं।
मसी को प्यार
मी एको ही लाने परमेस्वर बाप को जोने घुटना टेकु हैं, जसो स्वर्ग अर जमीन पा, हर एक घराना को नाम रखो जावा हैं, कि वाहा अपनी महिमा को धन को अनुसार तुम्हे यू दान दे कि तुम ओको आत्मा से अपनी भीतरी इंसान हुन म सामर्थ्य पा ख बलवन्त होतो जाओ; जसो विस्वास दुवारा मसी तुमरो मन म राज करे, प्रेम म तुमरी जड़ हुन अऊर गहरी होय अर नीव पक्की मजबुत होय। असो तरीका से सब सभी सुध्द इंसान हुन को संग मसी को प्रेम की चऊड़ाई, लम्बाई, उँचई, अर गहरी कित्ती हैं समज जाहे। तुम इंसान हुन ख ओको प्रेम को ग्यान मिल्यो होए, फिर भी उ ग्यान से परो हैं। असो तरीका से तुम इंसान हुन, परमेस्वर ख जान सका हैं अऊर तुम ओको बारे म पुरो जान सका हैं।
अब जो असो सामर्थी हैं कि हमरी बिनती अर समझ से कही जादा काम कर सका हैं, वा सक्ति को दुवारा जो हमारो म काम करा हैं, ओकी महिमा कलेसिया म अर मसी यीसु म ओकी महिमा पीढ़ी से पीढ़ी तक हमेसा काल होती रहे। आमीन।
परमेस्वर को सच्चो वचन ख जाननू. Copyright © 2023 The Word for the World International and Mehra Bhasha Samiti, Betul, (M.P.). Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.