इफिसीयो 2

माऊत से जिन्दगी कि तरफ

1तुम इंसान हुन खुदका पाप अऊर अपराधी हुन को वजेसे मर गया रहा; 2काहेकि तुमरो सुभाव पहिले यू दुनिया की रीति को हिसाब से, आकास म हक जमाना वालो मुखिया को जसो थो। तुम वा आत्मा को अनुसार चलत हता, जो अबा भी परमेस्वर ख बैरी हुन म काम करा हैं। 3इनमा हम भी सब का सब पहिले वी बुराई करनो म सामिल हता, जब हम अपनी बुरो सुभाव को बस म होका अपनो सरीर अर मन कि इच्छा ख पुरी करत रह। हम दुसरा इंसान हुन का जसा अपनो सुभाव को वजे से परमेस्वर को डंड़ का हकदार हता।

4पर परमेस्वर न जो दया को धनी हैं, अपनो उ बड़ो प्रेम को कारन जसो से ओ न हम से प्रेम करो, 5जब हम पाप को कारन मरिया हता ते हम ख मसी को संग जिलायो (रहम ही से या दया से तुमरो उध्दार भयो हैं), 6अर ओ ना यीसु मसी म ओको संग हम सब ख फिर जिन्दो करयो, अर ओको ही संग स्वर्ग म बिठाल्यो। 7ओ ना हम ख यीसु मसी म जो दया दिखई, ओको वजे से ओ ना आवन वाली दुनिया को लाने अपनी दया को आपार धन उजागर करयो 8काहेकि परमेस्वर की किरपा न भरोसा को वजेसे तुम इंसान हुन को उद्धार करो हैं। यू तुमरो कोई पुन्य को काम को फल नी आय यू तो परमेस्वर को वरदान आय। 9यू कोई तुमारी मेहनत को फल नी आय अर एकोलाने एको कोई भी कोई घमण्ड नी सकन को। 10काहेकि हम परमेस्वर को हात से बनिया वाला हैं, ओ ना यीसु मसी म हमारी रचना करी, जसो हम वी भली बात हुन को काम ख पुरा करते रहे, जिनका परमेस्वर न हमारो लाने तैयार कर ख रख्यो हैं।

मसी म एकता

11असो तरीका से तुम याद करनु की तुम जे सरीर कि रीति पर दुसरी जात का हैं (अर जे अदमी सरीर म हात को करिया वाला खतना से खतना वाला कहलाय हैं, वी तुम ख खतना रहीत काहा हैं), 12तुम इंसान हुन वा बखत मसी से अलग हता, अर इस्राएल कि प्रजा को पद से अलग करिया वाला अर वादा कि वाचा हुन ख हकदार नी हता, अऊर आसा हीन अर दुनिया म परमेस्वर से दुर हता। 13पर अब मसी यीसु म तुम इंसान हुन पहलो दुर हता, पर यीसु मसी को खून को वजेसे नजीक आ गया हैं। 14काहेकि उईच हमरो सान्ति हैं जेना यहूदी अर गैर यहूदी हुन का एक कर दियो अर दोई ख जो अलग करन वाली दिवाल हती ओखा उनना गीढ़ा दियो,1 15नेम को आदेस ख रद्द कर ख। असो तरीका से उनना यहूदी हुन अऊर गैर यहूदी हुन अपनो म मिला ख एक नयी पिडी की रचना करी अऊर सान्ति बना ख रखी। 16ओ ना सूली पा बैर ख नास कर ख दोई ख एक ही सरीर बना ख परमेस्वर को संग मेल करायो असो तरीका से बैर ख खत्म कर दियो। 17ओ न आका दोई ख सान्ति को सुसमाचार सुनायो: तुम इंसान हुन ख, जो दुर हता अर वी इंसान हुन ख जो जोने हता;2 18काहेकि ओको ही दुवारा हम दोई कि एक ही आत्मा म परमेस्वर बाप को जोने पहुँचा सका हैं।

मसी हमारो कोने को पत्थर

19एकोलाने तुम इंसान हुन अब परदेसी अर मुसाफिर नी रया, बल्कि सुध्द इंसान हुन का संगी संगी हैं अऊर परमेस्वर को घराना का हो गया। 20तुम इंसान हुन को जनम उ भवन को रूप को लाने भयो हैं, जो प्रेरित अऊर भविस्यवक्ता हुन की नीव पा खड़ो हैं अऊर जेको कोना को पत्थर खुद यीसु मसी हैं।3 21उनको ही दुवारा पूरा भवन एकजुट हो ख प्रभु को लाने सुध्द मन्दिर को सरूप धारन करा हैं, 22उनको ही वजेसे तुम इंसान हुन भी यू भवन म जुड़ जावा हैं, जसो तुम सुध्द आत्मा म परमेस्वर को लाने एक रहन की जगह बनिया हैं।