Sòm Yo 63

Yon Sòm David, lè l te nan dezè Juda a.

1O Bondye, Ou se Bondye mwen.

Mwen va chache Ou ak tout kè m.

Nanm mwen 1 swaf pou Ou.

Chè m anvi Ou nan yon peyi epwize e sèch kote nanpwen dlo.

2Konsa, mwen 2 te wè Ou nan sanktyè a,

ak pouvwa Ou, ak laglwa Ou.

3Akoz 3 lanmou dous Ou pi bon pase lavi,

lèv mwen va louwe Ou.

4Pou sa, mwen va beni Ou 4 tout tan ke m viv.

Mwen va leve men m nan non Ou.

5Nanm mwen 5 satisfè konsi avèk ma zo ak grès,

e bouch mwen ap ofri lwanj

avèk lèv ranpli de jwa.

6Lè m sonje Ou sou kabann mwen,

mwen medite sou Ou nan 6vèy de nwi an.

7Paske Ou te konn sekou mwen.

Nan 7 lonbraj a zèl Ou, mwen chante ak jwa.

8Nanm mwen 8 kole ak Ou.

Men dwat Ou fè m kenbe.

9Men sila ki chache lavi mwen pou detwi li yo,

va desann 9jis nan fon latè.

10Yo va 10 livre a pouvwa nepe.

Yo va tounen manje pou rena mawon.

11Men Wa a va rejwi nan Bondye.

Tout moun ki sèmante pa Li menm yo, va twouve glwa.

Paske bouch a sila ki bay manti yo, va fèmen.