Egzòd 40

1Alò SENYÈ a te pale avèk Moïse. Li te di: 2“1Nan premye jou mwa a ou va monte tabènak tant reyinyon an. 32Ou va plase lach temwayaj la, e ou va kouvri lach la avèk vwal la. 4Ou va 3mennen tab la antre, e ou va ranje li avèk sa ki dwe sou li. Konsa, ou va mennen fè antre chandelye a, e limen lanp li yo.

5“Anplis, ou va 4plase lotèl lò a pou lansan devan lach temwayaj la, e ou va monte vwal la pou pòtay tabènak tant reyinyon an.

6“Ou va plase lotèl ofrann brile a devan pòtay a tabènak tant reyinyon an. 7Ou va plase basen lave a antre tant reyinyon an ak lotèl la e ou va mete dlo nan li.5 8Ou va monte galeri a toutotou e ou va pann vwal la pou pòtay galeri a.

9“Epi ou va pran lwil onksyon an e ou va 6onksyone tabènak la ak tout sa ki ladann. Konsa, ou va konsakre li avèk tout afè li yo, epi li va sen. 10Ou va onksyone lotèl ofrann brile a ak tout bagay itil li yo, epi ou va konsakre lotèl la. Konsa, 7lotèl la va vin sen pase tout bagay. 11Ou va onksyone basen lave a ak baz li, e ou va konsakre li.

12“Konsa, ou va 8mennen Aaron ak fis li yo vè pòtay tant reyinyon an, e ou va lave yo avèk dlo. 139Ou va mete vètman sen yo sou Aaron. Ou va onksyone Aaron, e konsakre li, pou li kapab vin sèvi kòm prèt Mwen. 14Ou va mennen fis li yo pou mete tinik sou yo. 15Konsa, ou va onksyone yo jis jan ke ou te onksyone papa yo, pou yo kapab vin sèvi kòm prèt pou Mwen. Onksyon pa yo va kalifye yo kòm prèt 10pou tout tan atravè tout jenerasyon pa yo.”

16Se konsa Moïse te fè. Selon tout sa ke SENYÈ a te kòmande li yo, konsa li te fè.

17Alò, 11nan premye mwa nan dezyèm ane a, nan premye jou mwa a, tabènak la te monte. 18Moïse te monte tabènak la. Li te poze baz reseptikal li yo, li te monte planch li yo, li te pozisyone travès li yo, e li monte pilye li yo. 19Li te louvri tant lan sou tabènak la e li te mete kouvèti tant lan anwo li, jis jan ke SENYÈ a te kòmande Moïse la.

20Konsa, li te pran 12temwayaj la pou fè l antre nan lach la. Li te tache poto yo nan lach la, e li te mete chèz pwopyatwa a sou lach la. 21Li te mennen lach la nan tabènak la, e li te 13monte yon vwal pou separe l. Li te separe lach temwayaj la, jis jan ke SENYÈ a te kòmande Moïse la.

22Anplis li te mete 14tab la nan tant reyinyon an sou kote nò tabènak la, deyò vwal la. 23Li te plase 15pen, byen ranje an lòd devan SENYÈ a jis jan ke SENYÈ a te kòmande Moïse la.

24Alò, li te mete chandelye a nan tant reyinyon an, sou kote sid tabènak la. 25Li te 16limen lanp yo devan SENYÈ a, jis jan ke SENYÈ a te kòmande Moïse la.

26Epi li te 17plase lotèl lò a nan tant reyinyon an pa devan vwal la. 27Li te 18brile lansan santi bon an sou li, jis jan ke SENYÈ a te kòmande Moïse la.

28Alò, li te monte vwal pòtay tabènak la. 29Li te 19plase lotèl ofrann brile a devan pòtay tabènak tant reyinyon an, e li te 20ofri sou li ofrann brile a ak ofrann sereyal la, jis jan ke SENYÈ a te kòmande Moïse la.

30Li te plase basen lave a antre tant reyinyon an ak lotèl la, e li te mete dlo ladann pou lave. 3121Nan li, Moïse avèk Aaron avèk fis li yo te lave men yo avèk pye yo. 32Lè yo te antre nan tant reyinyon an, e lè yo te apwoche lotèl la, yo te lave, jis jan ke SENYÈ a te kòmande Moïse la.

33Li te 22monte galeri a toutotou tabènak la ak lotèl la, e li te pandye vwal la pou pòtay galeri a. Konsa, Moïse te fin fè travay la. 3423

Alò, nyaj la te kouvri tant reyinyon an, e laglwa SENYÈ a te ranpli tabènak la. 35Moïse 24pa t kapab antre nan tant reyinyon an, paske nyaj la te poze sou li, e laglwa SENYÈ a te ranpli tabènak la.

36Pandan tout vwayaj pa yo, 25nenpòt lè ke nyaj la te leve anwo sou tabènak la, fis Israël yo te leve sòti pou fè vwayaj; 37men 26si nyaj la pa t leve, alò, yo pa t vwayaje jis rive jou ke li te leve a. 38Paske pandan tout vwayaj yo, 27nyaj SENYÈ a te sou tabènak la nan lajounen, e li te gen dife ladann lannwit, devan zye a tout kay Israël la.