ગી.શા. 54

શત્રુઓથી બચાવ માટે પ્રાર્થના

મુખ્ય ગવૈયાને માટે; તારવાળાં વાજાં સાથે ગાવાને. દાઉદનું માસ્કીલ. ઝીફીઓએ આવીને શાઉલને કહ્યું, “શું, દાઉદ અમારે ત્યાં સંતાઈ રહેલો નથી?” તે વખતનું.

1હે ઈશ્વર, તમારા નામે મને બચાવો

અને તમારા પરાક્રમથી મારો ન્યાય કરો.

2હે ઈશ્વર, મારી પ્રાર્થના સાંભળો;

મારા મુખની વાતો પર કાન ધરો.

3કેમ કે વિદેશીઓ મારી વિરુદ્ધ થયા છે

અને જુલમગારો મારો જીવ લેવા મથે છે;

તેઓએ ઈશ્વરને પોતાની આગળ રાખ્યા નથી.

4જુઓ, ઈશ્વર મારા મદદગાર છે;

પ્રભુ જ મારા આત્માનાં આધાર છે1.

5તે મારા શત્રુઓને દુષ્ટતાનો બદલો આપશે;

તમારાં સત્ય વચનો પ્રમાણે દુષ્ટોનો નાશ કરો.

6હું રાજીખુશીથી મારાં અર્પણો ચઢાવીશ;

હે યહોવાહ, હું તમારા નામની સ્તુતિ કરીશ, કેમ કે તે ઉત્તમ છે.

7કેમ કે તેમણે મને સર્વ સંકટમાંથી છોડાવ્યો છે;

મારી ઇચ્છા પ્રમાણે મારા શત્રુઓને થયું, તે મેં નજરે જોયું છે.