Skip to content
BibleKenya
TCGNT ΑΠΟΚΑΛΥΨΙΣ 6 Verse

Η Καινή Διαθήκη

ΑΠΟΚΑΛΥΨΙΣ 6

The Seven Seals

Καὶ εἶδον 1ὅτι ἤνοιξε τὸ ἀρνίον μίαν ἐκ τῶν 2ἑπτὰ σφραγίδων, καὶ ἤκουσα ἑνὸς ἐκ τῶν τεσσάρων ζῴων λέγοντος ὡς 3φωνὴ βροντῆς, Ἔρχου καὶ 4ἴδε. καὶ ἰδού, ἵππος λευκός, καὶ ὁ καθήμενος ἐπ᾽ 5αὐτὸν ἔχων τόξον· καὶ ἐδόθη αὐτῷ στέφανος, καὶ ἐξῆλθε νικῶν καὶ ἵνα νικήσῃ.

Καὶ ὅτε ἤνοιξε τὴν 6δευτέραν σφραγῖδα, ἤκουσα τοῦ δευτέρου ζῴου λέγοντος, 7Ἔρχου. καὶ ἐξῆλθεν ἄλλος ἵππος 8πυρός, καὶ τῷ καθημένῳ ἐπ᾽ 9αὐτὸν ἐδόθη αὐτῷ λαβεῖν τὴν εἰρήνην 10ἐκ τῆς γῆς 11ἵνα ἀλλήλους 12σφάξωσι, καὶ ἐδόθη αὐτῷ μάχαιρα μεγάλη.

Καὶ ὅτε ἤνοιξε τὴν 13σφραγῖδα τὴν τρίτην, ἤκουσα τοῦ τρίτου ζῴου λέγοντος, Ἔρχου 14καὶ ἴδε. καὶ ἰδού, ἵππος μέλας, καὶ ὁ καθήμενος ἐπ᾽ 15αὐτὸν ἔχων ζυγὸν ἐν τῇ χειρὶ αὐτοῦ. καὶ ἤκουσα 16φωνὴν ἐν μέσῳ τῶν τεσσάρων ζῴων λέγουσαν, Χοῖνιξ σίτου δηναρίου, καὶ τρεῖς χοίνικες 17κριθῆς δηναρίου· καὶ τὸ ἔλαιον καὶ τὸν οἶνον μὴ ἀδικήσῃς.

Καὶ ὅτε ἤνοιξε τὴν σφραγῖδα τὴν τετάρτην, 18ἤκουσα τοῦ τετάρτου ζῴου 19λέγοντος, Ἔρχου καὶ 20ἴδε. καὶ ἰδού, ἵππος χλωρός, καὶ ὁ καθήμενος ἐπάνω αὐτοῦ ὄνομα αὐτῷ 21ὁ Θάνατος, καὶ ὁ ᾍδης 22ἠκολούθει 23αὐτῷ. καὶ ἐδόθη 24αὐτῷ ἐξουσία 25ἐπὶ τὸ τέταρτον τῆς γῆς ἀποκτεῖναι ἐν ῥομφαίᾳ καὶ ἐν λιμῷ καὶ ἐν θανάτῳ καὶ ὑπὸ τῶν θηρίων τῆς γῆς.

Καὶ ὅτε ἤνοιξε τὴν πέμπτην σφραγῖδα, εἶδον ὑποκάτω τοῦ θυσιαστηρίου τὰς 26ψυχὰς τῶν ἐσφαγμένων διὰ τὸν λόγον τοῦ Θεοῦ καὶ διὰ τὴν μαρτυρίαν 27τοῦ ἀρνίου ἣν εἶχον. καὶ 28ἔκραξαν 29φωνῇ μεγάλῃ λέγοντες, Ἕως πότε, ὁ δεσπότης, ὁ ἅγιος καὶ 30ἀληθινός, οὐ κρίνεις καὶ ἐκδικεῖς τὸ αἷμα ἡμῶν 31ἐκ τῶν κατοικούντων ἐπὶ τῆς γῆς; καὶ 32ἐδόθη 33αὐτοῖς ἑκάστῳ 34στολὴ λευκή, καὶ ἐρρέθη αὐτοῖς ἵνα 35ἀναπαύσωνται 36ἔτι χρόνον, 37ἕως 38πληρώσωσι καὶ οἱ σύνδουλοι αὐτῶν καὶ οἱ ἀδελφοὶ αὐτῶν 39καὶ οἱ μέλλοντες 40ἀποκτένεσθαι ὡς καὶ αὐτοί.

Καὶ εἶδον 41ὅτε ἤνοιξε τὴν σφραγῖδα τὴν ἕκτην, 42καὶ σεισμὸς μέγας ἐγένετο, καὶ ὁ ἥλιος 43μέλας ἐγένετο ὡς σάκκος τρίχινος, καὶ ἡ σελήνη 44ὅλη ἐγένετο ὡς αἷμα, καὶ οἱ ἀστέρες τοῦ οὐρανοῦ 45ἔπεσον εἰς τὴν γῆν, ὡς συκῆ 46βαλοῦσα τοὺς ὀλύνθους αὐτῆς ὑπὸ 47ἀνέμου μεγάλου σειομένη. καὶ 48ὁ οὐρανὸς ἀπεχωρίσθη ὡς βιβλίον 49ἑλισσόμενος, καὶ πᾶν ὄρος καὶ νῆσος ἐκ τῶν τόπων αὐτῶν ἐκινήθησαν. καὶ οἱ βασιλεῖς τῆς γῆς καὶ οἱ μεγιστᾶνες καὶ οἱ 50χιλίαρχοι καὶ οἱ πλούσιοι καὶ οἱ 51ἰσχυροὶ καὶ πᾶς δοῦλος καὶ 52ἐλεύθερος ἔκρυψαν ἑαυτοὺς εἰς τὰ σπήλαια καὶ εἰς τὰς πέτρας τῶν ὀρέων. καὶ λέγουσι τοῖς ὄρεσι καὶ ταῖς πέτραις, 53Πέσετε ἐφ᾽ ἡμᾶς καὶ κρύψατε ἡμᾶς ἀπὸ προσώπου τοῦ καθημένου ἐπὶ 54τῷ θρόνῳ καὶ ἀπὸ τῆς ὀργῆς τοῦ ἀρνίου, ὅτι ἦλθεν ἡ ἡμέρα ἡ μεγάλη τῆς ὀργῆς 55αὐτοῦ, καὶ τίς δύναται σταθῆναι;

Source notes (55)
  1. Footnote οτι 66.4% ¦ οτε ᴄᴛ ᴛʀ 33.2%
  2. Footnote επτα 79.8% ¦ — ᴛʀ 20.2%
  3. Footnote φωνη 74.8% ¦ φωνης ᴛʀ 16.5% ¦ φωνην ᴍꜱꜱ 7.8%
  4. Footnote ιδε 43.1% ¦ ειδον ᴀɴᴛ ᴄᴛ ᴘᴄᴋ 32.9% ¦ ιδε και ειδον ᴍꜱꜱ 9% ¦ βλεπε και ειδον ᴛʀ 3.1%
  5. Footnote αυτον 95% ¦ αυτω ᴛʀ 4.1%
  6. Footnote δευτεραν σφραγιδα 70.6% ¦ σφραγιδα την δευτεραν ᴀɴᴛ ᴄᴛ 28.4%
  7. Footnote ερχου και 78.9% ¦ ερχου και ιδε και ᴍꜱꜱ 9.8% ¦ ερχου και ιδε και ειδον και ιδου ᴍꜱꜱ 6.6% ¦ ερχου και βλεπε και ᴛʀ 3.1%
  8. Footnote πυρος 57.4% ¦ πυρρος ᴀɴᴛ ᴄᴛ ᴘᴄᴋ ᴛʀ 42.3%
  9. Footnote αυτον 74.8% ¦ αυτω ᴛʀ 23.4%
  10. Footnote εκ 76.6% ¦ απο ᴛʀ 9.2% ¦ — 12.4%
  11. Footnote ινα 69.1% ¦ και ινα ᴀɴᴛ ᴄᴛ ᴛʀ 29.5%
  12. Footnote σφαξωσι 84.5% ¦ κατασφαξωσι ᴍꜱꜱ 6.6% ¦ σφαξουσι ꜱʙʟ ᴛʜ ᴡʜ 3.5%
  13. Footnote οτε ηνοιξε την σφραγιδα την τριτην ηκουσα 87.2% ¦ ηκουσα ανεωγμενης της τριτης σφραγιδος ᴍꜱꜱ 5% ¦ οτε ηνοιξε την τριτην σφραγιδα ηκουσα ᴛʀ 3.7%
  14. Footnote και ιδε 45.9% ¦ και ειδον ᴀɴᴛ ᴄᴛ ᴘᴄᴋ 33% ¦ και ιδε και ειδον ᴍꜱꜱ 6.4% ¦ και ιδον ᴍꜱꜱ 6% ¦ και βλεπε και ειδον ᴛʀ 0.9% ¦ — ᴍꜱꜱ 6.9%
  15. Footnote αυτον 91.7% ¦ αυτω ᴛʀ 6.4%
  16. Footnote φωνην 81.2% ¦ ως φωνην ᴀɴᴛ ᴄᴛ 18.3%
  17. Footnote κριθης 78.4% ¦ κριθων ᴄᴛ 20.2%
  18. Footnote ηκουσα 58.9% ¦ ηκουσα φωνην ᴀɴᴛ ᴄᴛ ᴘᴄᴋ ᴛʀ 28.8% ¦ ηκουσα φωνης ᴍꜱꜱ 5%
  19. Footnote λεγοντος 94% ¦ λεγουσαν ᴛʀ 2.8%
  20. Footnote ιδε 44.7% ¦ ειδον ᴀɴᴛ ᴘᴄᴋ ꜱʙʟ ᴛʜ ᴡʜ 32.9% ¦ ιδε και ειδον ᴍꜱꜱ 9.6% ¦ ιδον ɴᴀ 6.8% ¦ βλεπε και ειδον ᴛʀ 0.9%
  21. Footnote ο 72.5% ¦ — ᴘᴄᴋ 27.1%
  22. Footnote ηκολουθει 71% ¦ ακολουθει ᴘᴄᴋ ᴛʀ 28.6%
  23. Footnote αυτω 63.8% ¦ μετ αυτου ᴀɴᴛ ᴄᴛ ᴘᴄᴋ ᴛʀ 34.4%
  24. Footnote αυτω 73.4% ¦ αυτοις ᴄᴛ ᴛʀ 26.1%
  25. Footnote επι το τεταρτον της γης αποκτειναι 89.4% ¦ επι το τεταρτον μερος της γης αποκτειναι ᴍꜱꜱ 6% ¦ αποκτειναι επι το τεταρτον της γης ᴛʀ 1.8%
  26. Footnote ψυχας 61.6% ¦ ψυχας των ανθρωπων ᴘᴄᴋ 37.3%
  27. Footnote του αρνιου 67.7% ¦ — ᴄᴛ ᴛʀ 27.6%
  28. Footnote εκραξαν 62.7% ¦ εκραζον ᴛʀ 34.1%
  29. Footnote φωνη μεγαλη 58.8% ¦ φωνην μεγαλην ʜꜰ 40.7%
  30. Footnote αληθινος 85.6% ¦ ο αληθινος ᴀɴᴛ ᴛʀ 13%
  31. Footnote εκ 67.6% ¦ απο ᴛʀ 31.9%
  32. Footnote εδοθη 97.2% ¦ εδοθησαν ᴛʀ 1.4%
  33. Footnote αυτοις εκαστω 47.9% ¦ αυτοις ʜꜰ 37% ¦ εκαστοις ᴛʀ 1.2%
  34. Footnote στολη λευκη 94% ¦ στολαι λευκαι ᴛʀ 0.9%
  35. Footnote αναπαυσωνται 66% ¦ αναπαυσονται ꜱʙʟ ᴛʜ ᴡʜ 30.2%
  36. Footnote ετι χρονον 59.5% ¦ ετι χρονον μικρον ᴀɴᴛ ᴄᴛ ᴛʀ 22.3%
  37. Footnote εως 56.9% ¦ εως ου ᴘᴄᴋ ᴛʀ 40.3%
  38. Footnote πληρωσωσι 86.6% ¦ πληρωσουσι ᴍꜱꜱ 10.2% ¦ πληρωθωσι ꜱʙʟ ᴡʜ 1.9% ¦ πληρωσονται ᴛʀ 0.9%
  39. Footnote και 49.3% ¦ — ᴀɴᴛ ᴄᴛ ᴘᴄᴋ ᴛʀ 50.7%
  40. Footnote αποκτενεσθαι 58.1% ¦ αποκτεννεσθαι ᴀɴᴛ ᴄᴛ 20.5% ¦ αποκτεινεσθαι ᴛʀ 19.5%
  41. Footnote οτε 60.4% ¦ και οτε ᴘᴄᴋ 37.8%
  42. Footnote και 93.5% ¦ και ιδου ᴛʀ 1.4% ¦ — ᴍꜱꜱ 5.1%
  43. Footnote μελας εγενετο 62.7% ¦ εγενετο μελας ᴄᴛ ᴛʀ 29.5%
  44. Footnote ολη 54.8% ¦ — ᴘᴄᴋ ᴛʀ 40.1%
  45. Footnote επεσον 77% ¦ επεσαν ᴀɴᴛ ᴄᴛ ᴛʀ 22.6%
  46. Footnote βαλουσα 38.7% ¦ βαλλει ᴄᴛ ᴘᴄᴋ ᴛʀ 32.3% ¦ βαλλουσα ᴀɴᴛ 19.4% ¦ αποβαλλει ᴍꜱꜱ 5.5%
  47. Footnote ανεμου μεγαλου 64.1% ¦ μεγαλου ανεμου ᴘᴄᴋ ᴛʀ 32.8%
  48. Footnote ο 95.9% ¦ — ᴛʀ 3.7%
  49. Footnote ελισσομενος 41.7% ¦ ελισσομενον ᴀɴᴛ ᴄᴛ ᴘᴄᴋ ʀᴘ 37.2% ¦ ειλισσομενον ᴛʀ 12.8% ¦ ειλισσομενος ᴍꜱꜱ 7.8%
  50. Footnote χιλιαρχοι και οι πλουσιοι 83.9% ¦ πλουσιοι και οι χιλιαρχοι ᴛʀ 14.7%
  51. Footnote και οι ισχυροι 87.6% ¦ και οι δυνατοι ᴛʀ 0% ¦ — ᴍꜱꜱ 7.8%
  52. Footnote ελευθερος 57.4% ¦ πας ελευθερος ᴘᴄᴋ ᴛʀ 42.1%
  53. Footnote πεσετε 89.4% ¦ πεσατε ᴀɴᴛ ᴡʜ 10.1%
  54. Footnote τω θρονω 41.9% ¦ του θρονου ᴀɴᴛ ᴄᴛ ᴘᴄᴋ ʀᴘ ᴛʀ 56.7%
  55. Footnote αυτου 90.9% ¦ αυτων ꜱʙʟ ᴛʜ ᴡʜ 7.1%

Η Καινή Διαθήκη. Public domain. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · SourceEdition imported 2026-10-25.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.