ಇಬ್ರಿಯ 9

ಜು಼ನ್ಯಾ ಕರಾರಾಚೆಗತ್ ವವ್ಯಾಳ್ನ

1ಆಂದಿಚಾ ಕರಾರಾತ್ ವವ್ಯಾಳಾಚ಼ ನೆಮ್ ಹುತ್ತ. ತ್ಯಾತ್ ಮಾನ್ಸಾನಿ ವವ್ಯಾಳಾಲಾ ಕೆಲ್ಯಾಲಾ ಜಾ಼ಗಾ ಹುತಾ. 2ಹ್ಯೊ ಜಾಗಾ ದೆವ್ಳಾಚೆ ಆತ್ ಹುತಾ. ತ್ಯಚಾ ಪೈಲ್ಯಾ ಜಾ಼ಗ್ಯಾಲಾ ನಿಚ಼ಳ್ ಜಾ಼ಗಾ ಮನ್ಹುನ್ ಹಾಕ್ಟಿತಿತ. ನಿಚ಼ಳ್ ಜಾ಼ಗ್ಯಾತ್ ದೀವಲ್ಯಾವ್ನ, ಆನಿ ದೇವಾಲಾ ದ್ಯಾವ್‌ಲ್ಯಾಲ್ಯಾ ಬಾಕ್ರಿ ಹುತ್ಯಾ. 3ದೊನವ್ಯಾ ಪಡ್‌ದ್ಯಾಂಚೆ ಮಾಗ “ಮೊಟಾ ನಿಚ಼ಳ್ ಜಾ಼ಗಾ” ಮಂತ್ಯಾಲಾ. 4ಮೊಟ್ಯಾ ನಿಚ಼ಳ್ ಜಾ಼ಗ್ಯಾತ್ ಧುಪ್ ಜಾ಼ಳಾಯಾ ಸೊನ್ಯಾಂಚಿ ಯಜ್ಞವೇದಿ ಹುತಿ. ನಾಹಿತ ಆಂದಿಚಾ಼ ಕರಾರ್ ಥೆವ್‌ಲ್ಯಾಲಿ ಪವಿತ್ರ ಪಿಟಿ ಹುತಿ. ತ್ಯಲಾ ಸೊನ್ಯಾಚಿ ತಗ್ಡ ಗ್ಯಾತ್ಲಿ ಹುತಿತ. ತ್ಯಚೆ ಆತ್ ಸೊನ್ಯಾಚಾ ಐದಾನಾತ್ ಥೆವ್‌ಲ್ಯಾಲಾ ಮನ್ನಾ ಆನಿ ಯಕಾ ಕಾಲಾತ್ ಕವ್ಳಿ ಪಾನ ಶೊಡ್‌ಲ್ಯಾಲಿ ಆರೊನಾಚಿ ಕಾಠಿ ಹುತ್ತಿ. ಆನೀಕ್ ತ್ಯಾ ಆಂದಿಚಾ ಕರಾರಾಚಾ ದಾ ಆಜ್ಞಾ ಲಿವ್‌ಲ್ಯಾಲ್ಯಾ ದೊನ್‌ ಡೊಂಡ್ಯಾಚಾ ಫಾತ್ರಿ ತ್ಯಾತ್ ಥೆವ್‌ಲ್ಯಾ ಹುತ್ಯಾ. 5ತೆ ಪಿಟಿಚೆ ವರ್ ದೇವಾಚಿ ಆಸ್ಥಿ ದ್ಯಾವ್ನಾರ ಕೆರೂಬಿ ಹುತ್ತ. ಹೆ ಕೆರೂಬಿ ಕ್ರಪಾಸನ್ ಜಾ಼ಕ್ಕುನ್ ಗೆತ್ಲ ಹುತ್ತ. ಫನ್ ಹ್ಯಚೆ ಗುಶ್ಟಿತ್ ಸಗ್ಳ ಆಮಿ ಆತಾ ಸಾಂಗಾಯಾ ವ್ಹಯಿತ್ನಾಹಿ.

6ಮಿ ತುಮಾನಾ ಉಗ್ಡುನ್ ಸಾಗ್‌ಲ್ಯಾ ಶಾರ್ಕ ಪಾಕ್ಟಾತ್ ಸಗ್ಳ ತಯಾರ್ ಕೇಲ್ತ. ಯಾಜಕ್ ಪರತೇಕ್‌ ದಿಸ್ ಆಪ್ನು ತ್ಯಚಿ ಕಾಮ ಕರಾಯಾ ಪೈಲ್ಯಾ ಸೊಪ್ಯಾತ್ ಜಾ಼ಯಿತ. 7ಖರ ಪೈಲಾ ಯಾಜಕಾನಿ ತ್ಯವ್ಡಸ್ ದೊನವ್ಯಾ ಸೊಪ್ಯಾತ್ ಜಾಯಾಚ಼. ತ್ಯೊ ವರ್ಸಾತ್ನಿ ಯಗ್ದಾ ತ್ಯವ್ಡಾಸ್ ತ್ಯಾತ್ ಜಾ಼ಯಿತಾ. ತ್ಯೊ ಆಪ್ಲಿ ಸಂಗ ರಗಾತ್ ಗೀಹ್ಯಾಚೆ ಆಂದಿ ಕವಾಸ್ ತ್ಯಾತ್ ಜಾ಼ಯಿತ್ ನವ್ತಾ. ಆಪ್ಲಿ ಸಾಟಿ ಲೊಕಾಂಚಾನಿ ಸಮಜಾ಼ಚೆ ಆಂದಿ ಕೆಲ್ಯಾಲ್ಯಾ ಪಾಪಾಂಚೆ ಸಾಟಿ ತ್ಯೊ ತ್ಯ ರಗಾತ್ ಸಮರ್ಪನ್ ಕರಿತಾ.

8ಪವಿತ್ರಾತ್ಮ ತ್ಯಾ ದೊನ್ ಸೊಪ್ಯಾಂಚ಼ ಸಾಂಗಾಚ಼ ಕ್ಯಾ ಮಂಜೆ, ಪೈಲಾ ಸೊಪಾ ತಿಥ ಆಸ ಪರತ್ ಮೊಟ್ಯಾ ಪವಿತ್ರ ಜಾ಼ಗ್ಯಾತ್ ಜಾ಼ಯಾಚಿ ವಾಟ್ ಉಗಡ್ಲಿಸ್ ನಾಹಿ. 9ಆಜ಼್ ಆಮಾನಾ ಹಿ ಎಕ್ ಉದಾರನ್ ಜಾ಼ಲ್ಯಾ. ದೇವಾಲಾ ದ್ಯಾವ್‌ಲ್ಯಾಲಿ ದಿನ್ಗಿಸಾಟಿ ವ್ಹವುನಿ ಯಜ್ಞಸಾಟಿ ವ್ಹವುನಿ ದೇವಾಲಾ ವವ್ಯಾಳ್‌ತ್ಯಾಲ್ಯಾ ಮಾನ್ಸಾಲಾ ಪುರ ಕರಾಯಾ ವ್ಹಯಿತ್ ನವ್ತ ಮನ್ಹುನ್ ಹ್ಯ ದ್ಯಾವ್ತ. ತ್ಯಾ ಮಾನ್ಸಾಚ಼ ಮನ್ ನಿಚ಼ಳ್ ಕರಾಯಾ ತ್ಯಾ ಯಜ್ಞ ವೇದಿನಾ ವ್ಹಯಿತ್ ನವ್ತ. 10ತ್ಯಾ ಯಜ್ಞ ಆನಿ ದೆನ್‌ಗ್ಯಾ ಖಾನ ಪಿನ ಚಾ಼ಂಗಲ್ಯಾ ಆಂಗುಳ್ಯಾ ತ್ಯಾ ಆಂಗಾಲಾ ವ್ಹಯಿ ಆಸ್ನಾರ ನೆಮ್ ಸುಡುನ್ ಲೊಕಾಂಚಾ ಕಾಜಾ಼ಲಾ ಸಮನ್ ಪಡ್‌ಲ್ಯಾಲ ನವ್ಹ. ಲೊಕಾನಾ ದೇವಾಚಿ ನವಿ ವಾಟ್ ಗಾವಾಚಾ ದಿಸಾ ಪರತ್, ತೀ ತ್ಯಚೆ ಗತ್ ಚಾ಼ಲುನ್ತ ಮನ್ಹುನ್ ತೇ ನೆಮ್ ದೇವಾನಿಸ್ ದಿಲ.

11ಖರ ಕ್ರಿಸ್ತ ಆತಾಸ್ ಪೈಲಾ ಯಾಜಕ್ ವ್ಹವುನ್ ಆಲ್ಯಾ. ಆತಾ ಆಮಿ ಗೇತ್‌ಲ್ಯಾಲ್ಯಾ ಚಾ಼ಂಗಲ್ಯಾ ಗುಶ್ಟಿನಾ ತ್ಯೊ ಪೈಲಾ ಯಾಜಕ್ ಜಾ಼ಲ್ಯಾ. ದುಸ್ರ ಯಕಾ ತರಿ ಪಾಕ್ಟಾತ್ ಸೇವಾ ಕೇಲಿ. ಖರ ಕ್ರಿಸ್ತ ಪಾಕ್ಟಾತ್ ಸೇವಾ ಕರಾಚೆ ಆಂದಿ ತ್ಯಚಿವ್ನಿ ಚಾ಼ಂಗಲ್ಯಾ ಜಾ಼ಗ್ಯಾತ್ ಸೇವಾ ಕರ್ತೊ. ತ್ಯ ಆನಿ ಇತ್ಕ ಸಗ್ಳ ಜಾ಼ಲ್ಯಾಲ. ತ್ಯ ಮಾನ್ಸಾಂಚಾನಿ ಬ್ಯಾಂದ್‌ಲ್ಯಾಲ ನವ್ಹ. ದುನೆಲಾ ಮಿಸಾಳ್ಯಾಲ ನವ್ಹ. 12ತ್ಯೊ ಯೆಕುಸ್ ಯೆಕ್ ಪಾವ್ಡಿ ಮೊಟ್ಯಾ ಪವಿತ್ರಜಾ಼ಗ್ಯಾತ್ ಗೆಲಾ. ತ್ಯೊ ಬೊಕ್ಡಾಚ಼ ಆನಿ ಪಾಡ್ಯಾಂಚ಼ ರಗಾತ್ ಗಿಹ್ಯಾಚೆ ಆಂದಿ ಆಪ್‌ಲ್ಯಾ ರಕ್ತಾನಿ ಮೊಟ್ಯಾ ಪವಿತ್ರ ಜಾ಼ಗ್ಯಾತ್ ಜಾ಼ವುನ್ ಆಮಾನಾ ಕವಾಸ್ ಆನಿಯಕಾಚಾ ತಾಬ್ಯಾತ್ ರಾವುನಾಹಿ ಆಸ ಕೆಲ.

13ಬೊಕ್ಡಾಚಾ ಆನಿ ಪಾಡ್ಯಾಚಾ ರಗ್ತಾನಿ ಶುದ್ ನಸಲ್ಯಾಲ್ಯಾಂಚಿವ ಶಿಪಡತ್ಯಾಲೆ ವಾಸರಾಚೆ ರಾಖನಿ ಶರಿರ್ ಶುದ್ ಕರಾಚ಼ ಜಾ಼ಲ್ಯಾವ. 14ಶಾಶ್ವತ್ ಆತಮ್ಯಾಪ್ನಿ ಆಪಲ್ಯಾಲಾ ಆಪ್ನಿಸ್ ದೊಸ್ ನಸಲ್ಯಾಲಾ ಮನ್ಹುನ್, ದೆವಾಲಾ ಸಮರ್ಪನ್ ಕೆಲ್ಯಾಲ್ಯಾ ಕ್ರಿಸ್ತಾಚ಼ ರಗಾತ್ ಖರ‍್ಯಾನಿಸ್ ಆಮಾನಾ ಉಪೆಗಿಚಿ ನಸಲ್ಯಾಲ್ಯಾ ಕಾಮಾತ್ನಿ ಸುಡ್ವುನ್, ಆಮಿ ಜಿವ್ ಆಸಲ್ಯಾಲ್ಯಾ ದೆವಾಲಾ ವವ್ಯಾಳಿಸಾರ ಆಮ್ಚ಼ ಮನ್ ನಿಚ಼ಳ್ ಕರ್ತ ನವ್ಹ?

15ದೇವಾನಿ ಹಾಕಟ್‌ಲ್ಯಾಲಿ ಲೊಕ ದೇವಾಚಾ಼ ಸಬ್ದ ಜಾ಼ಲ್ಯಾಲಾ ಶಾಸ್ವತ್ ತರಾಸ್ ಗಿಹುಂತ ಮನ್ಹುನ್ ಕ್ರಿಸ್ತ ಹ್ಯಾ ನವ್ಯಾ ಕರಾರಾಲಾ ಜಾ಼ಮಿನ್ ಜಾ಼ಲ್ಹಾ. ಕಾ ಮಾಜೆ ಆಂದಿಚಾ ಕರಾರಾಚಾ ಕಾಲಾತ್ ಕೆಲ್ಯಾಲ್ಯಾ ಪಾಪಾನಿ ಲೊಕಾನಾ ಸುಟ್ಕಿ ಕರಾಯಾ ಕ್ರಿಸ್ತ ಮೆಲಾ.

16ಮರ್ನಾಚ಼ ಪತ್ರ ಆಸ್ತಾನಾ ತ್ಯ ಲಿವಲ್ಯಾಲ್ಯಾಚ಼ ಮರಾನ್ ಖರ ಕರುನ್ ದಾವಾಯಾ ವ್ಹಯಿ. 17ತ್ಯ ಲಿವಲ್ಯಾಲಾ ಆಜು಼ನ್ ಜ಼ಗ್ಲಾ ಆಸ್ಲಾತ ತ್ಯಲಾ ಕಾಯ್ ಕಿಮ್ಮತ್ ನಾಹಿ. ತ್ಯ ಲೀವ್ನಾರಾ ಮೆಲ್ಯಾ ನಂತರ್ ತ್ಯ ಉಪೇಗಾಲಾ ಯತ. 18ದೆವಾನಿ ಆಪ್‌ಲ್ಯಾ ಲೊಕಾಂಚೆ ಸಂಗ ಕೆಲ್ಯಾಲಾ ಆಂದಿಚಾ಼ ಕರಾರ್ ಹ್ಯಲಾ ಮಿಳುನ್ ಹಾ. ಆಂದಿಚಾ಼ ಕರಾರ್ ಉಪೇಗಾಲಾ ಯಯಾ ರಗಾತ್ ದಾವಾಯಾ ವ್ಹಯಿ ವ್ಹತ್ತ. 19ಆಂದಿ, ಮೊಶೆನಿ ಧರ್ಮಶಾಸ್ತಾರಾಚ಼ ಪರತೇಕ್ ಸಬ್ದ ಸಗಳ್ಯಾ ಲೊಕಾನಾ ಸಾಂಗ್‌ಲ್ಯಾ. ನಂತರ್ ತ್ಯನಿ ವಾಸ್ರಾಚ಼ ಅನಿ ಬೊಕ್ಡಾಚ಼ ರಗಾತ್ ಗಿಹೂನ್ ತ್ಯ ಪಾನ್ಯಾತ್ ಮಿಸಳ. ನಂತರ್ ಪಾನಿ ಆನಿ ರಗಾತ್ ಧರ್ಮಶಾಸ್ತಾರಾವ ಆನಿ ಲೊಕಾವ್ನಿ ಸಿಪಡ್ಲ ತಾಂಬ್ಡ ಕ್ಯಾಸ್ ಹಿಸ್ಸೊಪ್ ಜಾ಼ಢಾಚ಼ ಗೊಕ್ಲ ಗೇತ್ಲ. 20ಸಿಪಡ್ತಾನಾ, “ತುಮಿ ಪಾಳಾಯಾ ವ್ಹಯಿಸಾ ಮನ್ಹುನ್ ದೇವಾನಿ ಸಾಂಗ್‌ಲ್ಯಾಲಾ ಕರಾರ್ ಹ್ಯ ರಗಾತ್ ಘಟ್ ಹಾ” ಮನ್ಹುನ್ ಸಾಂಗ್ಲ. 21ತೆಸ್‌ತರನಿ, ಮೊಶೆನಿ ರಗಾತ್ ಪಾಕ್ಟಾವ್ನಿ ವವ್ಯಾಳಾಲಾ ವಾಪರ್ ತ್ಯಾಲ್ಯಾ ಸಂಗ್‌ಳ್ಯಾ ಸಾಮಾನಾವ್ನಿ ಸಿಪಡ್ಲ. 22ಲ ಕರುನ್ ಪರತೇಕ್ ರಕ್ತಾನಿ ಪರಿಸುದ್ದ್ ವ್ಹಯಾ ವ್ಹಯಿ ಮನ್ಹುನ್ ಧರ್ಮಶಾಸ್ತಾರ್ ಸಾಂಗ್ತ. ರಗಾತ್ ನಸ್ತಾನಾ ಪಾಪ ಮಾಪ್ ಕರಾಯಾ ವ್ಹಯಿತ್ ನಾಹಿತ.

ಕ್ರಿಸ್ತಾಚಾ ಯಜ್ಞಾನಿ ಪಾಪ ದುರ್ ಕೇಲಿತ

23ಹಿ ಸಾಮ್ನ ಸ್ವರ್ಗಾತ್‌ಲ್ಯಾ ಸಾಮ್ನಾಚೆಗತ್ ಹಾತ. ಹಿ ಜ಼ನಾವಾರಾಚಾ ಯಜ್ಞಾನಿ ಚಾ಼ಂಗ್ಲಿ ಕರಾಯಾ ವ್ಹಯಿತ. ಖರ ಸ್ವರ್ಗಾತ್ ಆಸ್‌ಲ್ಯಾಲಾ ಖರಾ ಆವ್ತಾರ್ ಚಾ಼ಂಗ್ಲ ಯಜ್ಞ ದಿಯಾ ವ್ಹಯಿ. 24ಕ್ರಿಸ್ತ ಮೊಟ್ಯಾ ಪವಿತ್ರ ಜಾ಼ಗ್ಯಾತ್ ಗೆಲಾ. ಖರ ತ್ಯೊ ಮಾನ್ಸಾನಿ ಕೆಲ್ಯಾಲ್ಯಾ ಮೊಟ್ಯಾ ಪವಿತ್ರ ಜಾ಼ಗ್ಯಾವ ಗೆಲಾ ನಾಹಿ. ಹ್ಯೊ ಮೊಟಾ ಪವಿತ್ರ ಜಾ಼ಗಾ ಖರ‍್ಯಾಚಾ಼ ಆಕಾರ್ ತ್ಯವ್ಡಾಸ್ ಜಾ಼ಲ್ಯಾ. ತ್ಯೊ ಸ್ವರ್ಗಾತ್ ಗೆಲಾ; ಅಮಚೆ ಬಳಜು಼ರಿನಿ ಮಜ಼ತ್ ಕರಾಯಾ ಸಾಟಿ ಆತಾ ದೇವಾಪ ಹಾ.

25ಪೈಲಾ ಯಜಕ್ ವರ್ಸಾ ವರ್ಸಾ ಜ಼ನಾವಾರಾಂಚ಼ ರಗಾತ್ ಗಿಹುನ್ ಮೊಟ್ಯಾ ಪವಿತ್ರ ಜಾ಼ಗ್ಯಾತ್ ಜಾ಼ತ್ಯಾಚೆಗತ್, ಕ್ರಿಸ್ತಾನಿ ಆಪಲ್ಯಾಲಾ ಖುಬ್ ಖೆಪಾ ಸಮರ್ಪನ್ ಕರಾಯಾ ತಿಥ ಗೆಲಾ ನಾಹಿ. 26ಕ್ರಿಸ್ತಾನಿ ಖುಬ್ ಖೆಪಾ ಆಪ್‌ಲ್ಯಾಲಾ ಸಮರ್ಪನ್ ಕೆಲಾ ಆಸ್ಥತ, ಹಿ ದುನ್ಯಾ ಉತ್ಪನ್ ಜಾ಼ಲ್ಯಾ ದರ್ನಿ ತ್ಯನಿ ಖುಬ್ ಪಾವ್ಟಿ ತರಾಸ್ ಕಾಯಾ ವ್ಹಯಿ ಹುತಾ. ಖರ ಕ್ರಿಸ್ತ ಖುಬ್ ವರ್ಸಾಚೆ ಮಾಗ ಪಾಪ್ ನಾಹಿ ಆಸ ಕರಯಾ ಸಾಟಿ ಯವುನ್ ಯಂಗ್ದಾಸ್ ಆಪ್‌ಲ್ಯಾಲಾ ದಿಲಾ.

27ಪರತೆಕ್ ಜಾ಼ನ್ ಯಗ್ದಾಸ್ ಮರ್ನಾರ್. ನಂತರ್ ತ್ಯನಾ ದೇವಾಪಸುನ್ ನ್ಯಾಯಿ ತೀರ್ಮಾನ್ ವ್ಹನರ್. 28ತಸಾಸ್ ಕ್ರಿಸ್ಬಿತ ಖುಬ್ ಲೊಕಾಂಚಿ ಪಾಪ ಗಿಹ್ಯಾಸಾಟಿ ಯಗ್ದಾಸ್ ಸಮರ್ಪನ್ ಜಾ಼ಲಾ. ಕ್ರಿಸ್ತ ದೊನವ್ಯಾನಿ ದಿಸ್ನಾರ್ ತ್ಯೊ ಲೊಕಾನಾ ಪಾಪಾತ್ನಿ ಸುಟ್ಕಿ ಕರಾಯಾ ನವ್ಹ. ಆಪ್ಲಿ ವಾಟ್ ಬಗ್‌ತ್ಯಾಲ್ಯಾ ಲೊಕಾನಾ ರಕ್ಷನ್ ಕರಾಯಾಸ್.