ಇಬ್ರಿಯ

ಇಬ್ರಿಯದವರಿಗೆ ಬರೆದ ಪತ್ರಿಕೆ

ಇಬ್ರಿಯಾತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ

ವಳಕ್

ಹಿಬ್ರಿಯಾನಾ ಲಿವ್‌ಲ್ಯಾಲ ಪುಸ್ತಕ್ ಯಾಕ್ ಉಮೇದ್ ದೇತ್ಯಾಲ ಪತ್ರ ಜಾ಼ಲ್ಯಾ. ಯೇಸು ಜು಼ನ್ಯಾ ಕರಾರಾತ್ ಖುಬ್ ಪ್ರವಾದನ್ ಆಸಿ ಸರ್ತಿ ಕಿಲಿ ಮಂಥ್ಯಾಲ ದಾವುನ್ ದೆತ. ಹ್ಯ ಪ್ರಸಂಗ್ ರುಪಾತ್ ಲಿವ್‌ಲ್ಯಾ ಹ್ಯಾತ್ ಯೇಸು ಜು಼ನ್ಯಾ ಕರಾರಾತ್ ಪ್ರವಾದನ್ ಆನಿ ಯೆಹುದಿ ಮಹಾ ಯಾಜಕಾಚ಼ ಕಾಮ್ ಕಸ ಸುಪಿವ್ಲ ಮನ್ಹುನ್ ಸಾಟ್ ವರ್ಸಾವ್ನಿ ಖುಬ್ ಜು಼ನ್ಯಾ ಕರಾರಾತ್ ವಪ್ಸಾಚ಼ ಜಾ಼ಲ್ಯಾ. ಹ್ಯ ಸಗ್ಳ ಹ್ಯಾ ಗುಶ್ಟಿತ್ನಿ ನಿರ್ಮಳ್ ದಾವುನ್ ದೆತ್ಯಾತಾ. ಹ್ಯಾ ಕಾರ್ನಾನಿ ಹ್ಯ ಪುಸ್ತಕ್ ಯೆಹುದಿ ಇಸ್ವಾಸಿನಾ ಉಮೇದ್ ದೆತ್ಯಾಲ ಪುಸ್ತಕ್ ಜಾ಼ಲ್ಯಾ. ಯೇಸುನಿ ಕಸ ಧರ್ಮಶಾಸ್ತಾರ್ ಪುರ್ನ ಕೇಲ ಮನ್ಹುನ್ ಯಾಜಕ್ ಆನಿ ಕವಾಸ್ ಮಾನ್ ದಿಯಾಚ಼ ವ್ಹಯಿ ಮನ್ಹುನ್ ನಾಹಿ ಮನ್ಯಾಚ಼ ಇಬ್ರಿಯಾ ಪುಸ್ತಕ್ ದಾವುನ್ ದೇತ. ಸಗ್‌ಳ್ಯಾ ಕಾಲಾಸಾಟಿ ಸಗ್‍ಳ್ಯಾ ಪಾಪಾಂಚೆಸಾಟಿ ಯೇಸು ಯಂಗ್ದಾ ಮೆಲಾ ದೇವಾವ ಇಸ್ವಾಸ್ ಥೆವಾಯಾ ಆನಿ ತ್ಯಚಿವಬಿ ಇಸ್ವಾಸ್ ಥೆವಾಯಾ ವ್ಹಯಿ ಮನ್ಹುನ್ ಕರ್ತ್ಯಾಲ್ಯಾ ಯೇಸು ಕ್ರಿಸ್ತಾಚೆ ಮಾಗ್ನಿ ಜಾ಼ಯಾ ಮನ್ಹುನ್ ಇಬ್ರಿಯಾ ಪುಸ್ತಕ್ ಆತಾಚಾ ಆಮ್ಚಾ ಕಾಲಾಚಾ ಇಸ್ವಾಸಿನಾ ಉಮೇದ್ ದೇತ.

ಇಬ್ರಿಯಾ ಪುಸ್ತಕ್ ಕುನಿ ಲಿವ್‌ಲ್ಯಾ ಮನ್ಹುನ್ ಕುನಾಲಾಸ್ ಠಾವ ನಾಹಿ. ಫನ್ ವಿದ್ವಾಂಸ್ ಅಪೊಸ್ತಲ್ ಜಾ಼ಲ್ಯಾಲಾ ಪೌಲ್, ಲುಕ್ ನಾಹಿತ ಬಾರ್ನಬುಸ್ ಆಸಲ್ ಮನ್ಹುನ್ ಸಲಹಾ ದೆತ್ಯಾತ ಹ್ಯ ಲಿವ್‌ಲ್ಯಾಲಾ ಯೊಳ್ ಸಾಹಿತ ಠಾವಾ ನಾಹಿ. ಫನ್ ಖುಬ್ ಕರುನ್ ಕ್ರಿಸ್ತ್ ಜ಼ಲ್ಮುನ್ ಸತ್ತರ್ ವರ್ಸಾಚೆ ಆಂದಿಸ್ ಲಿವ್‌ಲ್ಯಾ ಮನ್ಹುನ್ ಇಸ್ವಾಸ್ ಥೆವ್‌ಲ್ಯಾ. ಸತ್ತರ್ ವರ್ಸಾತ್ ಯೆರುಸಲೇಮ್ ಪ್ಯಾಟ್ ನಾಸ್ ಕೆಲ್ತಿ. ಫನ್ ಲಿವ್‌ತ್ಯಾಲ್ಯಾನಿ ಹ್ಯಾ ಪತ್‌ರ‍್ಯಾತ್ ಯೆರೆಸಲೆಮ್ ನಾಸ್ ಕರ್ತ್ಯಾಚೆಗತ್ ಬೊಲ್‌ತ್ಯೊ ಇಬ್ರಿಯಾ ಪುಸ್ತಕ್ ರೊಮಾತ್ ಲಿವ್‌ಲ್ಯಾ

ಪಿಠಿಕೆ

1. ಲಿವ್‌ಲ್ಯಾತ್ಯಾಲಾ ದೇವಾಚ಼ ಪ್ರವಾದಿ ಆನಿ ದೇವ್ದುತಾಂಚಿವ್ನಿ ಮೊಟಾ ಮನ್ಹುನ್ ದಾವುನ್ ದೆತೊ.

2. ನಂತರ್ ತ್ಯೊ ಯೆರುಸಲೆಮಿಚಾ ದೇವ್ಳಾತ್ ಸೇವಾ ಕರೀತಾ ಯಾಜಕಾಂಚಿವ್ನಿಬಿ ಯೇಸು ಮೊಟಾ ಮನ್ಹುನ್ ದಾವುನ್ ದೆತೊ.

3. ದೇವಾನಿ ಮೊಶೆಸ್ ಲಾಗುನ್ ಆಪ್‌ಲ್ಯಾ ಲೊಕಾಂಚೆ ಸಂಗ ಕೆಲ್ಯಾಲ್ಯಾ ಜು಼ನ್ಯಾ ಕರಾರಾವ್ನಿ ಯೇಸುಚಿ ಸೇವಾ ಮುಟಿ ಜಾ಼ಲೆ ಮನ್ಹುನ್ ದಾವುನ್ ದೆತೊ.

4. ಯೇಸು ಸಗ್ಳೆ ತರನಿ ಮೊಟಾ ಮಂಥ್ಯಾಲ ವಿವರನ್ ಕೆಲ್ಯಾ ನಂತರ್ ಲಿವ್‌ತ್ಯಾಲಾ ಖುಬ್ ಉಪೇಗ್ ಆಸ್‌ಲ್ಯಾಲ ಮಾರ್ಗ ದರ್ಶಾನ್ ದೆತೊ.

5. ಸರ್ತ್ಯಾ ಯಳಾಲಾ ಲಿವ್‌ತ್ಯಾಲಾ ಥೊಡ್ಯಾ ಉಮೇದ್ ದೆತ್ಯಾಲ್ಯಾ ಬೊಲ್ಯಾ ಸಾಂಗುನ್ ನಮಸ್ಕಾರ್ ಸಾಂಗಿತ್ ಪತ್ರ ಸುಪಿವ್ತೊ.