परमेश्वर को पवित्र वचन
रोमीयो 16
व्यक्तिगत अभिवादन
मी तुम से फिबे का लिये जो हमारी भैइन अरु किंख्रिया कि मंडली सेवक हइ, प्रार्थना करस हइ कि तुम, जसो की पवित्र दुन्या खे चास, ओका प्रभु मे ग्रहण कर. अरु जो कोय बात मे ओकी तुमारा आकुल्यकता हुयो, ओकी सायता कर, क्युकि वे भी भोत की जब मरो भी उपकार करणवाली ऱ्हेस हइ.
प्रिस्किल्ला का अरु अक्विला की जो मसीह यीशु मे मरो सहकर्मी हइ, नमस्कार. ओने मरी जान का लिये अपनो ही जिवन जोखिम मे डाली दियो थो
अरु फक्त मी ही नी जब गैरयहूदीहोन की सब मंडलीहोन भी ओको धन्यवाद करस हइ. मंडली खे भी नमस्कार जो ओका घर मे हइ. मरो प्रिय इपैनीतुस खे जो मसीह का लिये आसिया को पहलो फल हइ,नमस्कार. मरियम खे जेने तुमारा लिये भोत परिश्रम कऱ्यो, नमस्कार. अन्द्रुनीकुस अरु युनीयास खे जो मरो कुटुब हइ, अरु मरा साथ कैद हुइ गो अरु प्रेरित मे नाम हइ,अरु मरा से पयलो मसीह हुयो थो, नमस्कार.
जो प्रभु मे मरो प्रिय अमप्लियातुस खे नमस्कार. मसीह मे हमारा सहयोगी उरबानुस अरु जो मसीह मे हमारो सहकर्मी हइ अरु मरो प्रिय इसतखुस खे नमस्कार. अपिल्लैस खे जो मसीह मे खरो निकलस का नमस्कार. अरिस्तुबुलु का घरानो को नमस्कार. मरो कुटुब हेरोदियोन खे नमस्कार. नरकिस्सुस का घराना, जो दुन्या प्रभु मे हइ, ओखे नमस्कार.
त्रुफेना अरु त्रुफोसा का जो प्रभु मे परिश्रम करस हइ, नमस्कार. प्रिय पिरसिस खे जेने प्रभु मे भोत परिश्रम कऱ्यो, नमस्कार. रुफुस खे जो प्रभु मे चुन्यो हइ अरु ओकी माय, जो मरो भी माय हइ, दो खे नमस्कार. असुक्रितुस अरु फिलगोन अरु हिर्मेस अरु पत्रु बास अरु हिर्मास अरु ओका साथ भैइ खे नमस्कार. फिलुलुगुस अरु युलिया अरु नेर्युस अरु ओकि भैइन, अरु उलुम्पास अरु ओका साथ का सब पवित्र दुन्या खे नमस्कार.
आपस मे पवित्र चुमचबन से नमस्कार तुम मसीह की सब मंडलीहोन कि तरप से नमस्कार.
आखरी नीर्देश
अब हे भैइ तुम से प्रार्थना करस हइ, की जो इन्सान उ शिक्षा का विपरित खे जो तुम ने पायो हइ,फुट डालस अरु ठोकर खलान कारन होस हइ, ओने तागी लियो, अरु ओका से दुर रियो. क्युकी असा दुन्या हमारो प्रभु मसीह की नी, पन अपनो पेट की सेवा करस हइ.अरु चिकनी चोपडी बात से सीधो-सादो मन का दुन्या खे भैइ भय देस हइ. तुमारो आज्ञा मानन की चर्चा सब दुन्या मे फैली गय हइ येका लिये मी तुमारो विषय मे आनन्द करुस हइ, पन मी यो चास हइ की तुम अच्छो, लिये बुध्दिमान पन बुरा का लिये भोलो बन्यो ऱ्हेस. शांती को परमेश्वर सैतान खे तुमारा पाच से शीघ्र कुसल देस.
हमारो प्रभु यीशु मसीह को अनुग्रह तरा पर होस ऱ्हेस.
मरी सहकर्मी तीमुथियुस को, अरु मरो कुटुबहोन लुकियुस अरु यासोन अरु सोसिपत्रुस खे तुम नमस्कार बोलस हइ.
मरी चिट्टी खे लिखनवाली तिरतियुस को, प्रभु मे तो, नमस्कार.
गयुस जो मरो अरु मंडली की मीजवान करणवाला हइ,ओको इरास्तुस नमस्कार. इरास्तूस जो नगर को भण्डारी हइ, अरु भैइ क्वारतुस को तुखे नमस्कार.
परमेश्वर की स्तुती
अब जो तुम खे मरी सुसमाचार अगर यीशु मसीह को प्रचार का जसो स्थिर करी सकुस हइ,उ भेदको प्रकार का जसो जो सैतान से लुकि खे ऱ्हेस, पन अब प्रगट हुइ खे सतान परमेश्वर की आज्ञा से भविष्यव्दक्ताहोन की किताबहोन का वजेसे सब जातहोन खे बतायो गयो हइ कि वे विश्वास से आज्ञा माननवाला हुये जाए,
उ एकमात्र बुध्दिमान परमेश्वर कि यीशु मसीह का वजेसे पिडमपिडि महिमा होस ऱ्हिहे. आमीन.
परमेश्वर को पवित्र वचन. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.