प्रकाशन 19

स्वर्ग मे परमेश्वर की स्तुती

1येका बाद मे ने स्वर्ग मे आनो बडी गर्दी खे उच्ची आवाज से यो बोलते सुन्यो, “हल्लिलुयाह! उध्दार अरु महिमा अरु सामर्थ्य हमारो परमेश्वर ही कि हइ. 2क्युकि वोने नीर्णय बरोबर अरु ठीक हइ.वोने वा टेम वेश्या को, जो अपनो व्यभिचार से जमीन खे भ्रष्ट करती थी, न्याय कर्‍यो अरु ओकासे अपनो सेवक खुन खे पलटयो लीयो हइ.” 3फिर दुसरी बार वुनने बोल्यो परमेश्वर कि स्तुती हुये “वोका जलना को धुवो पिडमपिडि से रुखस हइ!” 4तब चौबीसी सौ बापदादा अरु चार जनवरहोन ने गिरीखे परमेश्वर खे कर्यो, जो राजगद्दी पर बठ्यो थो. अरु बोल्यो, “आमीन, परमेश्वर कि स्तुती हुये!”

मुडाको भ्याव को खानो

5तब राजगद्दी मे से एक आवाज नीकल्यो, “हे हमारो परमेश्वर से सब डरनवालो सेवक छोटो खे बडो. तुम सब वोकि स्तुती कर.” 6फिर मे ने बडी गर्दी को जसो अरु खुप पानी को जसो आवाज, अरु गरझनो का जसो बडो आवाज सुन्हे “हाल्लेलूयाह! क्युकि प्रभु हमारो परमेश्वर को सर्वशक्तिमान राज करस हइ, 7ओका हम खुशी अरु मगन हुये खे अरु वोकि स्तुती कर्‍हे क्युकि मेढो को भ्याव अय पहुच्यो हइ, अरु वोकि दुलीन ने अपना आप खे तैयारी करी ली हइ. 8वोखे अच्छो अरु उजरो चमकदार महीन मलमल पेनन को अधी दियो गयो” क्युकि वु महीन मलमल को अर्थ पवित्र दुन्या को धर्म को काम हइ.

9तब परमेश्वर से स्वर्गदूत ने मरा से बोल्यो, “यो लिख्यो कि धन्य हइ, जो मेडा को भ्याव का खाना मे बुलायोस हइ.”

10तब मी वोखे दण्डवत करण का वासते वोका पाय पर गिरी गयो वोने मरा से बोल्यो, देख असो मत कर्‍हे, “मी तरा अरु तरो भैइय को जसो सेवक हय जो यीशु कि गवय देना पर रुख्यास हइ. परमेश्वर खे प्रनाम कर्‍हे.”

क्युकि यीशु की “गवय भविष्यवाणी की आत्मा हइ.”

उजरो घोडो को पर

11फिर मे ने स्वर्ग खुल्लो हुयो देख्यो का अरु देखुस हय कि एक उजरो घोडो हइ. अरु वोका पर एक सवार हइ, जो विश्वासयोग्य अरु सच्ची बोल्यो जास हइ. अरु व्हा न्यायीपन का साथ न्याय अरु वाद विवाद करस हइ. 12वोको आख अंगार कि आच हइ अरु वोका माथा पर खुप से राजमुकुट हइ. वोका पर एक नाम लिख्यो हइ, जेने वोखे छोड्यो अरु कोय नी समजे. 13व्हा खुन मे डुबायो हुया कपडा पेन्यास हइ, अरु वोको नाम परमेश्वर को बात हइ. 14स्वर्ग की सेना उजरो घोडा पर सवार अरु उजरो अच्छो मलमल पेन्या हुयो वोका पीछे पीछे था. 15जात जात खे मारन का वासते वोने एक चोख्खी तलवार नीकलस हइ. व्हा लोखनड को राजदण्ड का वासते हुयो वे पर राज कर्ह्ये का अरु सर्वशक्तिमान परमेश्वर को भयानक प्रकोप की पाणी की मदिरा को गडो मे अंगुर रोद्ये. 16वोने कपडा झाग पर यो नाम लिख्योस हइ “राजाको राजो अरु प्रभु को प्रभु.”

17फिर मे ने एक स्वर्गदूत को सुरज पर खडो हुयो देख्य.वोने बडो आवाज से पुकार्‍यो बद्दल का बिच मे से उडनआला सब चिडी होन से बोल्यो आओ, परमेश्वर को बडो खाना का वासते जमा हुया, 18जेक से तु राजा को मास अरु सरदार को मास अरु शक्तिमान इन्सान को मास, अरु घोडा को अरु वुनको सवार को मास को “अरु का स्वतंत्रता का सेवक का छोटो का बडो सब दुन्या को मास खा.”

19फिर मेने वु जनवर, अरु जमीन को राजाहोन अरु वोकि सेनाहोन खे वु घोडा खे सवार अरु वोकि सेना से झगडन का वासते जमा देख्यो. 20व्हा जनवर, अरु वोका सात झुटी भविष्यव्दक्ता पकडय गयो जेने वोका सामने असो चिन्ह को दिखायो थो जेका वजेसे वोने वोखे भरमायो जिनका पर वा जनवर कि छाय थी अरु जो वोकि मेर्ति कि पुजा करतो थो. यो दो जिते जी वा अंगार कि नंद्दी मे, जो गन्धक से जलस हइ, डाल्हे गयो. 21बाकि का सैनीक वु घोडो को सवार की तलवार से जो वोको मुडा से नीकलती थी, मारी डाल्यो गया. अरु सब चिडी वोको मास से तृप्त हुय गयो.