परमेश्वर को पवित्र वचन
प्रकाशन 17
प्रसिध्द वेश्या
येका बाद जो सात स्वर्गदूत का पास वे सात कटोरो थो, ओमे से एक ने अयखे मरासे यो बोल्यो, “इधर आ, मी तोखे वा बडी वेश्या को दण्ड दिखायु, जो भोत से पानी पर बैठी हइ, जेका साथ पृथ्वी का राजाहोन ने व्यभिचार कऱ्यो. अरु पृथ्वी का ऱ्हेनआला ओको व्यभिचार की मदिरा से नशामे चुर हुइ गया था.”
मेखे पुरीरीतिसे आत्मा ने कबजो कर्यो फिर स्वर्गदूत मेखे जंगल, ले गयो,अरु मी ने लाल रंग, जनवर पर जो नीन्दा का नाम से भरी थो, एक बैय खे बठी हुइ देख्यो. यो बैय बैंगनी अरु लाल रंग, कपडा पेनी थी ,अरु सोनो अरु बहुमूल्य रत्नो मणिहोन अरु मोतिहोन से सजी हुइ थी, अरु ओका हात मे एक सोना की कटोरो थो जो बुरा सामनहोन से अरु ओका व्यभिचार को अशुध्द सामनहोन से भऱ्यो हुयो थो. अरु ओका माथा पर यो नाम लिख्यो थो, “भेद-बडो हे बेबीलोन जमीन की सब वेश्याहोन अरु बुरा चिजहोन की माय.” मेने वा बैय खे पवित्र दुन्या को खुन
अरु यीशु कि गवाही खे पीने से मस्त देस: उ देखीखे मी गयो. “तब उ स्वर्गदूत ने मरा से बोल्यो,” तू चकित हुयो? मी ये बैय अरु उ जनवर को जेका पर वा सवार हइ अरु जेका सात माथा अरु दस सिग हइ, वा भेद बतास हय. जो जनवर तोने देख्यो हइ, उ पैयले तो थो पर अब नी हइ, अरु अथाह कुण्ड से नीकलि खे खतम हुय जास. अरु पृथ्वी का ऱ्हेनवाला जेको नाम जगत की उत्पत्ति को टेम से जिवन को किताब मे लिख्यो नी गयो, ये जनवर को यो दशा देखी, को पैयले थो अरु अब नी हइ अरु आ जास, अचम्भा करस.
उ बुध्दि का लिये जेमे ज्ञान हइ जेका पर वा बैय हइ. अरु उनमे से पाच राजा भी हइ,पाच ते हुए चुक्यो हइ,अरु एक अभी हइ,अरु एक अब तब आयो नी अरु जब अयो ते कुछ टेम तक ओको ऱ्हेस भी अवशय हइ. जो जंगली जनवर से पैयले थो, अरु अब नी हइ, उ अब आठवो हइ अरु उ सात मे से उत्पन्न हुयो अरु खतम हुइ जाये .
“जो दस संगी तो ने देख्या वे दस राजा हइ जेने अब तक राज्य नी पायो,पर उ जंगल जनवर, साथ घडी भर, लिये राजाहोन को अधिकार पास. ये सब एक मन हुए,अरु वे अपनी अपनी सामर्थ्य अरु अधिकार उ जनवर, देस. वे मेडा से लडस अरु मेढो उनका पर जय पाये,क्युकि उ प्रभुहोन को प्रभु अरु राजाहोन को राजा हइ,अरु जो बुलाया हुया अरु चुन्या हुया अरु विश्वास हइ वे ओका साथ हइ. वे भी जय पाये.”
फिर ओने मरा से बोल्यो, “जो पानी तो ने देख्यो जेका पर वेश्या बठी हइ,वे तो दुन्या अरु गर्दी अरु जातहोन अरु भाषाहोन हइ. जो दस संग तो ने देखा,वे अरु जनवर उ वेश्या से अरु ओका मास खइ जये,अरु ओखे अंगार मे जलय दिये. अपनो परमेश्वर ओको मन मे जब तक परमेश्वर, वचन पुरो नी हुये तब तक एक मन कोय खे अपनो अपनो राज्य जनवर खे दिह्ये.
“वा बैय खे जेखे तोने देख्यो हइ,वाहा बडो नगर हइ जो पृथ्वी का राजाहोन पर राज्य करस हइ.”
परमेश्वर को पवित्र वचन. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.