प्रकाशन 16

परमेश्वर को प्रकोप का सात कटोरो

1फिर मे ने मन्‍दिर मे कोय को उचो बोल से उ सात स्वर्गदूत से यो बोलते सुन्यो, “जा, परमेश्वर खे दुख का सात कटोरा खे पृथ्वी पर पलटय दे.”

2पयलो दूत अरु अपनो कटोरो पृथ्वी पर उंडय दियो. अरु वे इन्सान खे जेका पर जनवर को चिन्ह थो जो ओकि पुजा करतो थो, उन एक पर भयानक दुख आलो छालो नीकली गयो.

3दुसरा ने अपनो कटोरा समुदर पर पलदय दियो, अरु वा मरो हुयो इन्सान का मन से खुन जसो बनी गयो, अरु समुद्र मे को हर एक जीव धारी मरी गयो.

4फिर तीसरा ने नद्दीहोन अरु पानी अपना कटोरा का धबधबा पर उलटय दियो, अरु नद्दी अरु धबधबो खुन बनी गया. 5अरु मेने पानी को स्वामी स्वर्गदूत खे यो बोलते सुन्यो, “हे पवित्र जो हइ अरु असो, तु न्यायी हइ अरु तोने यो न्याय बरोबर कऱ्यो हइ. 6क्युकि ओने परमेश्वर का दुन्या अरु भविष्यव्दक्ताहोन को खुन बोहायो थो, अरु तोने उनखे पिन खे खुन यी दियो, क्युकि वे येका योग्य हइ.” 7फिर मे ने वेदी से यो बोल सुन्यो, “हुयो, हे सर्वशक्तिमान प्रभु परमेश्वर तरो नीर्णय ठिक अरु सच्चो हइ.”

8स्वर्गदूत ने अपनो कटोरा सुरज पर उंडल दियो, अरु उ इन्सान का आंग से झुलसो देन को अधिकार दियो गयो. 9अरु इन्सान भयानक गर्मी से झुलस गए ,अरु परमेश्वर का नाम को जेको ये विपतियो पर अधिकार हइ, नीन्दा का पर ओकि महिमा करण का लिये मन नी फिरायो अरु नी महीमा करी.

10पाचवो स्वर्गदूत ने अपनो कटोरा उ जनवर का राजगद्दी पर दियो, अरु ओको राज पर अन्धेरा हुय गयो. दुन्या दुख कारण अपनी जीभ चाबन लग्या, 11अरु अपनी पडायो अरु फोडो करण स्वर्ग परमेश्वर को नीन्दा को पर अपनो अपनो काम से मन नी फिरायो.

12साव्वो स्वर्गदूत ने अपनो कटोरा महानदी फरात पर उंडल दियो, अरु ओको पानी सुख गयो को पूर्व दिशा से आन आला राजाहोन का लिये रस्ता तैयार हुय जाए. 13फिर मे ने उ अजिगर का मुडा से अरु उ जनवर का मुडा से, अरु उ झुठ भविष्यव्दक्ता को मुडा से तीन अशुध्द आत्माहोन खे मेढको का रुप मे नीकलते देख्यो. 14ये चिन्ह चमत्कार दिखनआली बुरीआत्मा हइ, ये तीन आत्माहोन जो सब जगत का राजाहोन का पर नीकलीखे येका लिये जीत्यो हइ कि ओने सर्वशक्तिमान परमेश्वर का उ बडा दिन की लडाइ का लिये जमा कर.

15“देख मी चोर का जसो अउस हइ. धन्य वा हइ जो जागो ऱ्हेस हइ, अरु अपना कपडा को देखरेख करस हइ कि नंगो नी फिरस अरु दुन्या ओखे लाजवाने होते नी देख्ये का”

16फिर वा बुरीआत्मा वा जगा कऱ्यो जो इब्रानी मे हरमनीदोन बोलस हइ.

17सातवो स्वर्गदूत अपनो कटोरा हवा पर दियो, अरु मन्‍दिर राजगद्दी से वा बडो बोल हुयो, “ हुइ चुक्यो!” 18फिर बिजली चमकस, अरु बद्दल अवाज गर्जन हुए, अरु एक असो भयानक भूकम्प हुयो कि जब से इन्सान को उत्पत्ति पृथ्वी पर हुयो, तब से असो भयानक भुकम्प कभी नी अयो थो. 19येका से उ बडो नगर का तीन टुकडो हुय गयो अरु सब राष्ट्र को नगर गिरी गयो. अरु बडो बाबेल को स्मरण परमेश्वर बडो बाबेल खे दण्ड देन का लिये याद हुयो, ही वा अपनो घुस्सा की जलजलाहाट को मदिरा उ पिलायो. 20अरु हर एक टेकडो अपनी जगा से टल गयो, अरु पात नी चल. 21बद्दल से इन्सान पर मन-मन भऱ्यो, बडो गार का अरु येका लिये को यो विपत्ति बोल ही भारी थो, दुन्या ने आलो कि विपत्ति करन परमेश्वर को नीन्दा को.