परमेश्वर को पवित्र वचन
इपिसियो 2:10
Verse 10 is marked below, with the whole chapter around it. Read from the start
मरना से जिवन तक
तुम अपनो अपराधहोन अरु पाप मे मर्या हुया था, जिनमे तुम पैयले यो जगत, बुरी रस्ता पर चलता था अरु बद्दल का अधिकार को शाशक मंनजे उ आत्मा, जसो जी रो ,थो जो आत्मा अब भी आज्ञा नी माननाआला मे काम करी रास हइ ये मे जब हम भी जन पैयले अपना आंग की बुरी सोच मे दिन बितय रा था, अरु आंग अरु मन की अभिलाषाहोन खे पूरी करणे मे लग्यो अरु दुसरा दुन्याहोन का सामने संभव से ही घुस्सा का बच्चाहोन था
पन दया मी धनी परमेश्वर ने अपना उपर प्रिय को करण, जब हम अपनो अपराधहोन मी मर्यो हुए थो, मसीह मी हम जिन्दो कर्यो उध्दार तुमखे अनुग्रह ही से मील्यो हुयो हइ. परमेश्वर ने हम मसीह यीशु मे जिन्दो कर्या अरु स्वर्गीय राज्य मी उनका साथ बठ्यो. कि वु आन आलो टेम मेहोन मी अपना अनुग्रह खे अच्छो धन मसीह यीशु मे हमारो लिये करी गइ कृपा ही दिखी सक्ये. क्युकि अनुग्रह ही से, विश्वास का वजेसे तुम उध्दारमील्यो हुयो हइ. येका करण तुम नी, यो परमेश्वर को वर दान हइ अरु यो काम होन को प्रतीफल नी हइ कि कोय घमण्ड कर्ये. क्युकि हम परमेश्वर वजेसे पैयले से रोख्यो हुयो अच्छो काम का लिये यीशु मसीह मे रच्यो गयो परमेश्वर की रचना हइ कि हम या अंच्छो काम को स्वभाव कर्हे.
मसीह मे एक
येका लिये याद रख कि तुम जो अपनो जन्म से गैरयहूदि जिन खे खतनाआला दुन्या खतनारहित बोलस हइ खतना, जो आंग मे इन्सान वजेसे कर्यो जास हइ याद रख तुम वा टेम जगत मे मसीह से अलग, इस्राएल की नागरिकता से नीकल्यो गया, प्रतीज्ञा की वाचाहोन से बिनासमजन नी था, आस हीन अरु परमेश्वर से रहित था. एक टेम थी जब तुम दूर था, पन अब मसीह यीशु मे उनको खुन का वजसे नजीक लायो गयो हय. वु खुद हमारो मीलनो हइ, क्युकि उनने अपना आंग मे दो गटहोन का बीच की दीवाल खे ढय खे दो खे एक करी दियो. वह उनने आदेस की व्यवस्था जिनकी आज्ञाहोन विधीहोन की रीति पर थी मीटकय दी कि इनका वजेसे वु खुद मी वे दो, जगा पर एक ननवो इन्सान खे बन खे कर मीलनो जुलनो की बठाड्यो कर अरु क्रुस का वजेसे एक आंग मे हम दो को परमेश्वर से मीलनो जुलनो करी सक्हे कि दुसमनी खतम करी जय सक्हे. वु आयो अरु उनने, जो दूर था अरु उनने भी, जो नजीक था, शांती की खुसखबर सुनइ. क्युकि उन मे हुयखे एक ही आत्मा मे दो ही की पहुच्यो बाप परमेश्वर तक हइ.
येका लिये आब तुम नवाडो अरु मूसा फिर नी पन परमेश्वर, पवित्र दुन्या का साथ सब नागरीक अरु परमेश्वर को परिवार को हय, अरु प्रेरितहोन अरु भविष्यव्दक्ताहोन कि पय्या पर,जो कोना को फत्तर मसीह यीशु खुद ही हइ, बनायो गयो हय. जिनमे सब भवन-रचना एक साथ मीलीखे प्रभु का लिये पवित्र मन्दिर होन, लिये बडती जास हइ. जिन मे तुम सब परमेश्वर का र्हेन की जगा होन, लिये पवित्रा आत्मा वजेसे संयोजित कर्यो जातो हुये बनायो जय रो हय.
परमेश्वर को पवित्र वचन. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.