2 कुरिन्थिहोन 3

मसीह जीन्दी चिठ्ठी

1का हम फिर अपनी बडाइ करण लग्या? या हमखे खे त्ता का जसा सिफारिश की चिठ्ठीहोन तुमारा पास लानो या तुम से लेनो हइ? 2हमारी चिठ्ठी तुम ही हइ, जो हमारा दिलहोन पर लिखी हुइ हइ, अरु ओखे सब इन्सान पैछानस अरु पडस हइ. 3यो प्रगट हइ, कि तुम मसीह की चिठ्ठी हइ, जेखे हमने सेवकहोन का जसा लिख्यो. अरु जो सय से नी, पर जिन्दो परमेश्वर का आत्मा से पत्थर की पाटिहोन पर नी, पर दिल की गोस रुप पाटलीहोन पर लिखी हइ. 1

4हम मसीह का वजेसे परमेश्वर पर असो ही भरोसो रखस हइ. 5यो नी कि हम अपना आप से यो लायक हइ, कि अपना तरफ से कोय बात को बिचार करी सक्ये. पर हमारी लायक परमेश्वर का तरफ से हइ. 6जे ने हमखे नवा करार को सेवक होन का लायक भी कर्यो, वाचा का सेवक नी क्युकी आत्मा का. क्युकि अवाज मारस हइ, पर आत्मा जिन्दो हइ. 2

7अरु सेवा अगर मरन की नवो करार जेको अक्षर पत्थरहोन पर खोद्या गयो थो, ह्या तक तेजमय हुइ, कि मूसा का मुडा पर को तेज का कारण जो घटतो भी जातो थो , इस्राएल ओका मुडा पर नजर नी मारी सकतो थो. 8ते आत्मा को सेवा करार अरु भी तेजमय क्यु नी हुये? 9क्युकि जब इलजाम ठैरान आलो सेवा करार तेजमय थी, ते न्याय ठैरान आलो सेवा करार अरु भी तेजमय क्यु नी हुये? 10अरु जो तेजमय थो, उ भी उ तेज का कारण जो ओकासे बडिखे तेजमय थो, कुछ तेजमय नी ठैर्यो. 11क्युकि जब उ जो घटतो जातो थो तेजमय थो, ते उ जो स्थिर र्‍हिये, अरु भी तेजमय क्यु नी हुये?

12येकालिये असी आस रखीखे हम हिम्मत का साथ बोलस हइ. 13अरु मूसा का जसा नी, जे ने अपना मुडा पर पडदो डाल्यो थो ताकि इस्राएली वे कमकरनआला तेज का अन्त खे नी देखनु.3 14पर वे बुध्दीहीन हुय गया, क्युकि आज तक पुराना नीयम खे पडता टेम उनका मनहोन पर उही पडदो पडि र्‍हो हइ. पर वे मसीह मे उठी जास हइ. 15अरु आज तक जब कभी मूसा की किताब पडि जास हइ, ते उनका मन पर पडदो पड्यो र्‍हेस हइ. 16पर जब कभी उनको मन प्रभु का तरफ फिर्ये, तब उ पडदो उठी जाये पन पडदा नीकाली सकता “जैसा कि पवित्र शात्र मूसाखे बारे मे बोलस है” जब प्रभू पडदा.4 17प्रभु तो आत्मा हइ अरु जहा खय प्रभु कि आत्मा हइ वहा स्वतंत्र हइ. 18पर जब हम सब खे उघडा चेहरा से प्रभु को प्रताप यो रंग प्रगट होस हइ, जो रंग को दिखाना मे, ते प्रभु का वजेसे जो आत्मा हइ, हम उय तेजस्वी रुप मे थोडा थोडा करी खे बदलता जास हइ.