1 तिमोथी 6

1जेतना दास गुलाम का नीचे हइ, वे अपना अपना स्वामी को बडो सम्मान का योग्य जानस, ताकि परमेश्वर को नाम अरु शिक्षा की नीन्दा नी हुये. 2अरु जेको स्वामी विश्वासी हइ, उनका वे भैइ अरु बहीन होन कारन कम नी जाने. जब उनकी अरु भी सेवा कर, क्युकी येका से लाभ उठानआला विश्वास अरु प्रेम हइ.

झुटी शिक्षा अरु सच्चो धन

या बात की शिक्षा कऱ्यो कर अरु समझातो ऱ्हेस.

3अगर कोय अरु ही प्रकार को सिध्दान्त शिकास हइ अरु हमारो प्रभु यीशु मसीह बोलीखे अरु हमारी धर्मीक शिक्षन खे नी मानस, 4ते उ अभिमानी हइ अरु कुछ नी जानस. जब उ वाद विवाद अरु बोल पर तर्क करण को रोग हइ, जेखे से डाह, अरु वाद विवाद, अरु नीन्दा की बात, अरु बुरो बुरो सन्आंग, 5अरु वे इन्सानहोन मे व्यर्थ रगडो वाद विवाद परदा होस हइ, जेकी डिमाक बिगडी गय हइ अरु वे सच्ची से दुर हुये गय हइ, जो समझस हइ, कि भक्ति बडी कमय को सादन हइ.

6पर सन्तोष सहित भक्ति बडी लाभ हइ. 7क्युकी नी हम जगत मे कुछ लास हइ अरु नी कुछ ली जय सकस हइ. 8अरु अगर हमारा पास खानो अरु पेनन को हइ, ते इनका पर सन्तोष करणो चास. 9पर जो धनी होनु चास हइ, वे असी पेपर खे अरु जाल का फन्दा अरु भोत सा व्यर्थ अरु हानी खे लालसाहोन मे फसस हइ, जो इन्सानहोन, बिगाडी देस हइ अरु विनास का समुदर मे डुबय देस हइ. 10क्युकी पैसा को लोभ सब प्रकार की बुराइहोन कि जडी हइ, जेखे मील्हे करण को प्रयत्न करस हुये कतना ने विश्वास से भटकी खे अपना आप खे दुसरा प्रकार को दुख से दिल खे तोड्यो हइ.

व्यक्‍तिगत नीर्देश

11पर हे परमेश्वर को जन, तू या बात से भाग. अरु न्यायी जिवन, भक्ति, विश्वास, प्रेम, धिरज, अरु नम्रता को पीछो कर. 12विश्वास की अच्छी कुश्ती खेल. अरु उ आखरी जिवन खे धरी ले जेका लिये तु बुलायो गयो, अरु भोत गवाहोन का सामने अच्छो अंगीकार कर्‍यो थो. 13मी तोखे परमेश्वर को जो सब खे जिन्दो रखस हइ, अरु मसीह यीशु की गवइ करीखे जेने पुन्तियुस पिलातुस का सामने अपना विश्वास को अच्छो अंगीकार कऱ्यो, या आज्ञा देस हुये. 14कि तु हमारो प्रभु यीशु मसीह को प्रगट होना तक या आज्ञा खे नीष्कलंक अरु नीर्दोष रख, 15जेखे उ अच्छा टेम पर दिख्यो, जो परमध्यन अरु एकमात्र उ अधिकारी अरु राजाहोन को राज अरु प्रभुहोन को प्रभु हइ, 16अरु अमरता फक्त वोकि हइ, अरु उ अगम्य ज्योति मे र्‍हेस हइ, अरु नी उ कोय इन्सान ने देख्यो अरु नी कभी देखी सकस हइ. ओकी प्रतीष्ठा अरु राज्य जमाना सेज मानो र्‍हिये. आमीन.

17यो जगत का पैसावाला खे आज्ञा दे कि वे अभिमानी नी हुये अरु अनीश्चित धन पर आस नी रखे, पन परमेश्वर पर जो हमारो सुख का लिये सब कुछ भोतायत से देस हइ. 18अरु अच्छो करीखे अरु अच्छा काम मे धनी बनीखे अरु उदार अरु सहायता देना मे तत्पर हुये खे 19अरु आनवाला जिवन का लिये एक अच्छो पय्यो डाल्यो रखीखे कि सच्ची जिवन खे जिती ले.

20हे तीमुथियुस या धरोहर की रखवाली कर. जो तोखे दी गइ हइ अरु बेवकुब बात से अरु विरोध खे तर्क जो झुठो ज्ञान बोलस हइ, दुर र्‍हेस. 21केतना यो ज्ञान खे अंगीकार करीखे विश्वास से भटकी गया हइ. तुम पर अनुग्रह होस र्‍हे.