ሶሎሞነ 7

ፓን

1ካዎ ናአዳ ሎእያረ፥

ላፃና ጫማ አዳ ነ ቶሆት ዋን ሎእ!

ነ ሼቸይ ሂላንቾይ ቆፅድ፥

አሌቅስዳ አልኦ ሹቹ ዳኔስ።

2ነ ጉልአይ ዎይነይ ኩምዳ ብርለ ዳኔስ፤

ነ ፄሳ ዩሾይ ጪሻን ቃሸትዳ ግስተ ምርቀ ዳኔስ።

3ነ ንት መንተ የለትዳ፥

ገንኤ ማር ዳኖሶና።

4ነ ቆይ ዳንጋርሳ ዛለን

አሌቀትዳ አዱሳ ሻኮ መላ።

ነ አይፈይ ግታ ሀሰቦና ካታማ ፐንግያ ማታን፥

ደእያ ዜሮ ሃ ዳኔስ።

ነ ሲይ ዳማስቆኮ ዛሪድ ግምብዳ፥

ልባኖሰ ግምብያ ዳኔስ።

5ነ ሁጰይ ቃርመሎሳ ዙማ ዳኔስ፤

ነ ብናናይ ቃጭና ፃ ዳኔስ፤

ነ ሁጵያ ዳይ ካዋ ኡፋይሴስ።

6ታ ሲቀ፥ ነ ዋና ሎአይ!

ነ ዋንዳ የገልሰ!

ነ ሲቆይ ታና ዋን ኡፋይስ!

7ነ ጌሳይ ዛምባ ዳኔስ፤

ነ ንይ ዛምባ ሞርኤ ዳኔስ።

8ታኒ፥ “ዛምባ ቦላ ከያና፤

እያ አይፍያ ማፃና” ያጋስ።

ነ ንይ ዎይነ ሞርኤ መላ፤

ነ ሲያራ ከያ ፔኖይ አፕለዳ ሳዌስ።

9ነ ዶናፐ ከይያ ፔኖይ

ሎኦ ዎይነ መላ።

ጌላእዉ

ህዛ ሎእያ ዎይነ ኡሻይ፥

ነ ሲቀ መተርሻፈነ አቻፈ ግዶራ፥

ለፕ ግድ ጎጎ።

ጌላእዉ

10ታኒ ታ ሲቁዋባ፤ እካ ታና አሞቴስ።

11ታ ሲቁዋዉ፥ ሃያ፤

ካታማፐ ከይድ ጋፃረ ቦስ፤

ናምአይ ቃማ ያን አና።

12ዎንታ ጉራ ዎይነ አታክልትያ ግዶ ቦስ፤

ዎይነይ ጪይዳኮ፥ አይፈ አዳኮ፥

ኦሮማነይ አይፍዳኮ አነ በኦስ።

ታኒ ታ ሲቁዋ ነና ያን በሳና።

13እንኮየ አይፈ ሳዎይነ

ዱማ ዱማ ኡፋይስያ አታክልተ አይፈይ

ኑ ካረን ኩምስ።

ታ ሲቁዋዉ! ሀ አይፈታፐ ቴርዳይሳነ

ኦራ ማፅዳይሳ ነዉ ዎስ።