ማዝሙረ 95

ፆሳስ ጋላታ ማዝሙረ የፅተ

1ሃይተ፤ አነ ጎዳ ሳቦስ፤

ኑና አሽያ ዛላስ ኡፋይሳን እልሎስ።

2እያ ስን ጋላታራ ሺቆስ።

ጋላታ ማዝሙረ ኡፋይሳን የፆስ።

3ጎዳይ ዎልቃማ ፆሰ፤

ፆሳታ ኡባ ቦላ ግታ ካዎ።

4ቢታ ጪሞት እያ ቃቃን ደኦሶና፤

ደርያ ፄራት እያባ።

5እ መዳ ግሾ አባይ እያባ፤

መላ ቢታ እያ ኩሸይ ኦስ።

6ሃይተ፤ አነ ጉፋንድ እያ ጎይኖስ፤

ኑና መዳ ጎዳ ስንን ጉልባቶስ።

7እ ኑ ፆሳ፤

ኑኒ እያ ቆሮን ደእያ ደረታ፤

ኑኒ እ ሄምያ እያ ዶርሳታ።

ጎዳይ ገይሳ ሀች ህንተ ስእኮ፥

8ካሰ ህንተ ማይዛት ማርባን ሀንዳይሳዳ፥

ሄ ጋላስ ማሳን ባንታ ዎዛና ምንዳይሳዳ፥

ህንተ፥ ህንተ ዎዛና ምንፍተ።

9ኤንቲ ታ ማላልስያ ኦሱዋ በእድካ፥

ታና ፓጭዶሶና፤ ታራ ኤቀትዶሶና።

10ታኒ ሄ የለታ ቦላ ኦይታሙ ላይ ሻተታስ፤

“ኤንቲ ኡባ ዎደ ባንታ ዎዛናን ባልያ አሳታ፤

ኤንቲ ታ ኦግያ ኤሮኮና” ያጋስ።

11ሄሳ ግሾ፥ “ኤንቲ ታ ሸምፖ በሳ ገሎኮና”

ያጋዳ ታ ሀንቁዋን ጫቃስ።