ሌምሶ 22

1ሎኦ ሱን ዳሮ ዱረተፈ አስ፤

ቦንቾይ ብራፐነ ዎርቃፈ አስ።

2ዱረነ ማንቆ ጎዳይ መስ፤

ሄሳን ኤንቲ ናምአይ እስኖ።

3ጭንጫ አስ ኢታ በእድ ቆሰትድ አቴስ፤

ሽን አኬክ ባይና አስ መቶን ገልድ ቆሄቴስ።

4አሽከተነ ጎዳ ያሽ፥

ዱረተ፥ ቦንቾነ ደኦ እሜስ።

5ኢታታ ኦገን አጉንነ ፅሄይ ደኤስ፤

ሽን ባና ናግያ አስ ኤንታፈ ሃኬስ።

6ናእ ዋንድ ዳናዉ በሲያኮ ታማርሳ፤

እ ጭምያ ዎደካ እያፐ ሃከና።

7ዱረይ ማንቁዋ ሃሬስ፤

ታልኤ ኤክዳይ ታልኤ እምዳይሳስ አይለ ግዴስ።

8ናጋራ ዘርያ ኡራይ ዋየ ጫኬስ፤

እያ ሀንቆ ፃምአይ መቃና።

9ባ ካ ማንቆታስ ሻክያ ግሾ

ኬሀ አስ አንጀታና።

10ቀልቅስያ አስ ድግኮ፥

ፓላም፥ ኦሽነ ጫሽ አታና።

11ዎዛን ጌሽ ግድዳ አስነ

ሎኦ ኦዳ ዶስያ አስ ካዎራ ዳቦቴስ።

12ጎዳ አይፈይ ኤራተ ናጌስ፤

ሽን ዎርዳንቾታ ቃላ ሽር የጌስ።

13አዛላ አስ፥ “ካረን ጋሞይ ደኤስ፤

ታና ኦገን ማና” ያጌስ።

14ላይማ ማጫሳ ዶን ዎልቃማ ኦላ መላ፤

ጎዳይ ሀንቀትዳይሳት እያን ኩንዶሶና።

15ኤያተ ናአ ዎዛናን ደኤስ፤

ሽን ፕርጮይ እያፐ ሃሴስ።

16ሻሎ ሺሻናዉ ማንቁዋ ናቀይነ

ዱረ አሳስ እሞታ እምያ ናምአይ ማንቃና።

ሀስታሙ ጭንጫ ዞረታ

(22:17—24:22)

17ነ ሀይ ዛራዳ ጭንጫታ ቃላ ስአ፤

ነ ዎዛና ታ ትምርትያኮ ዛራ።

18ኤንታ ነ ዎዛናን ዎኮነ

ነ ዶናን ኤንታ ሃሳይኮ፥ ነ ኡፋይታና።

19ነ አማኖይ ጎዳን ግዳና መላ፥

ታኒ ነና ሀች ታማርሳይስ።

20ታኒ ነዉ ዞረነ ኤራተ ኩምዳ

ሀስታሙ ሌምሶታ ፃፋስ።

21ነና ኪትዳይሳስ ልከ ዛሮ ዛራና መላ፥

ታኒ ነና ቱማተ ታማርሳስ።

1

22ማንቆታስ አይብካ ባይና ግሾ፥ ኤንታ ቦንቆፋ፤

ፕርዳን ኤንታ ማታ ይሶፋ።

23ጎዳይ ኤንታ ግሾ ሞተታና፤

ኤንታ ቦንቅዳይሳታ እ ቦንቃና።

2

24ይሎትያ ኡራራ ላገቶፓ፤

ኤለ ሸነትያ ኡራራ ሄመቶፋ።

25ኔኒ እያ ይሉዋራ ሜዘትኮ፥

ጉየፐ አጋናዉ ዳንዳአካ።

3

26አሳ አጮ ታ ቃንፃና ጋዳ

ዋሰ ግዶፓ።

27ነ ቃንፅያባ ይኮ፥

ነ ዝንእያ ሂፃይ አቶና፥

ነዉ ደእያባ ኡባይ ኤከታና።

4

28ነ ማይዛት ቶክዳ

በን ዛዋ ሾዶፋ።

5

29ባ ኦሱዋን ሎህዳ አስ በአዲ?

እ ጮ አሳታስ ግዶናሽን ካዎታስ ኦስ።