Geeshsha Maxaafa
Mazmure 3
Meto Be7iya Ura Woosa
Dawiti ba na7a Abeseloomepe baqatida wode xaafida mazmure
Abeeti Godaw, ta morketi ay mela daridona!
Ta bolla dendeysati aapune!
Daroti, “Xoossay iya ashshena” yaagidi,
tabaa haasayoosona. Salah 1
Shin abeeti Godaw, ne taw gondalle;
ta bonchoynne tana dhoqu oothey nena.
Ta qaala dhoqu oothada Godaako waassayis.
I ba geeshsha zumaape taw zaarees. Salah
Goday tana naagiya gisho,
ta zin7asinne dhiskas
hirgi bayna barkas.
Ubba bessara ta bolla dendida,
daro mukulu asaas yayyike.
Abeeti Godaw, denda!
Abeeti ta Xoossaw tana ashsha!
Ta morketa gacuwa shoca;
iitata acha mentha.
Xoonoy Godaasa;
Godaw, neeni ne asaa anja. Salah
Source notes (1)
- Footnote Mazmurey yexetiya wode azmaachesinne paydos giddon Godaa bonchoos kaa7etiya muuzuqa kaasse. Shin qaala birshethay eretenna.
Geeshsha Maxaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.