Mazmure 2

Godan Tiyetidaysa Aysuwa

1Kawotethati ayis dendoona?

asay ayis coo maqetoona?

2Kawoti Godaa bollanne I tiyidaysa bolla dendidosona;

deriya haareysati enta bolla shiiqidosona.

3“Enta santhalaata duuthoos;

enta qasho wodoruwa holoos” yaagidosona.

4Salon uttidaysi enta bolla miicees;

Goday enta qelqisees.

5I ba hanquwan enta daganthees;

ba yiluwan enta yashisees.

6“Ta geeshsha zuma Xiyoone bolla

ta kawa kawothas” yaagees goday.

7Taani Godaa higgiya awaajana;

Goday tana, “Neeni ta na7aa;

taani hachi new aawa gidas.

8Ne tana oycha;

ta new kawotethata immana;

sa7a ubbay nebaa gidana.

9Neeni birata xam7an enta menthana;

meqa miisheda enta tincherethana” yaagis.

10Hiza, kawoto eeyopite;

ha sa7aa haareysato akeekite.

11Godaa yashshan goyinnite;

kokoridi kiitetite.

12Goday hanqetin ogen hinte dhayonnaada

iya tumatethan goyinnite.

Iya hanqoy eeson eexi keyana;

iyan qosetidi attida ubbay anjetidaysata.