Mazmure 123

Nu Ayfey Nu Xoossa Bollana

Pudethe keyishe yexiya mazmure

1Salon, ne araata bolla uttidayso,

taani pude neeko xeellayis.

2Adde aylley ba godaa kushe xeelleysada,

macca aylliya ba godate kushe be7eysada,

neeni nuna maarana gakanaw,

nu ayfey Godaako, nu Xoossaako xeellees.

3Nuus kadhey darida gisho, nuna maara;

abeeti Godaw, nuna maara.

4Nuuni otoranchota cashshaanne

saaphota kadhiya kallida.