Mazmure 122

Ane Xoossa Keethi Boos

Dawiti pude keyishe yexiya mazmure

1Enti tana, “Ane Xoossa keethi boos” yaagin,

tana ufaysis.

2Yerusalaame,

nuuni ne pengetara gelidi eqida.

3Yerusalaamey

danthetada minna keexetida lo77o katama.

4Godaa kiitaa maaran Isra7eele zareti,

Godaa galatanaw he katamaa yoosona.

5Dawita kochaafe kawotida ubbay,

banta asaas pirdanaw yan uttoosona.

6Yerusalaame sarotethaas haysada yaagidi woossite;

“Nena dosiya ubbay anjeto.

7Ne gimbeta giddon saroy gido;

ne kawo keethan wopatethi de7o” yaagite.

8Ta ishatanne ta dabbota gisho,

“Ne giddon saroy de7o” yaagana.

9Godaa nu Xoossaa keethaa gisho,

new lo77oba amottayis.