Gedeo Bible
Faarotikaa Maxaafa 95:1
Verse 1 is marked below, with the whole chapter around it. Read from the start
Daawwitixxa Galatiinxa Faaro
Amme Duuchchi Woddika Gootta galatenfanto! Anjirallo no'oke golli'aanna illillinso.
Isi edi'a shinqe'e galateenfanto; faarotinna isoo saando!
Duuchchi Woddik Gootti lumoke moyanjon; wele magenuwwi hananna moyanjoken.
Buttii hundik wiidduwwi anga isixxe'n hedheen; koobuwwatixxi xunguwwanna isinxen.
Isi dademmaxxee abbaayya isixxen;
bago boganna ifixxe anganni giiseek isonden.
Amme kumbu hina'ni isoo magenoofanto;
no'oo dademmake Duuchchii Woddike Gootti edo gulufanto.
Isi Mageno no'oken; no'onna isi allala'neeke isike ardanna bobbaalsa'neeke isike gedhebon. Tennexxee Mageni techcho hiyyaxxa caqasse:
Eetenne qiilla gamoje'n Meribaanna Maasaa hiyyemaaba
ha'nok edik annuwwi kandemmashsha godoba jabeesexxinoqqe'e;1
Insa'ne'a assenexxa mambe'a yaanuwwa uunda'ninni he'neexxi
ookko anee hega uunde; anee'e qo'ninse.2
Ookkonne arda'n shoole tomme wagga duuchcha mufatenne;
«Insa'ne gorre'eekenna
ora anke'n me'a egenneeke mannabaan» hiyyenne.
Mufatennexxi «Ookkone haafuura adhdhitinaashsha
aassannoke boga'n haranga aagginabaan» hiyye kakatenne.34
Source notes (4)
- Cross-reference Ibr. 3:15; 4:7.
- Cross-reference Fula. 17:1-7; Lak. 20:2-13.
- Cross-reference Ibr. 3:7-11.
- Cross-reference Lak. 14:20-23; Lan. 1:34-36; 12:9-10; Ibr. 4:3-5.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.