Gedeo Bible
Faarotikaa Maxaafa 75
Mageni Muraake Kadeexxa
Faarsaleeyyetike sooresi'a «Balleessitoxxe'e» Hiyyemaake Meelinni Asaafixxa Faaro.
Ee, Magenoo! Atee galateeffanta'eennen; summi atik shiqike kadeemmaxxee ati'a galata unaannen;
ardi assittetexxa yaanenna oodeesaan.
Mageni hiyya'ne qici, «Ani murte murannoxxa barra woxxe'eennen;
eettene yanna toggi assee murannon.
Buttanna ise giddo hexxeexxi hedho affeexxi daduwwa culphisoolenna midde;
buttatika utupha abidee jabeessannoki anten;
Ani hollaameeyye ‹Ifi saadinoqqe'e›
fuggaaleeyyetanna ‹Hollati gaafa fulchitinoqqe'e!
Holati gaafa iimi'a togginoqqe'e;
yookaani hollati gooba qeerrisine'e haasotinnoqqe'e hiyyannon› » hittatton.
Ulfaataa borotenaa'n yookaan dhidhimakenaa'n,
yookaani qiilla gammoojenaa'n daggabaan.
Mageno callanni murte muraak;
wele ulfeeseexxi wele salphisaan.
Duuchchi Woddik Gootti ifixxe anga'ni wo'ma fule bageeki woyinetik bulbul hedhexxa mufetixxa buuda afe'eemman;
ise giddii'n mufeti bulbulo dunaa wodda fuggaaleeyye duuchchi ha'witaan;
cingotinna gattebaang cingilsitaan. Ani kinni duuchchi woddi'a lallabannon;
Ya'iqoobika Mageno faaroti saadatanna waalabe'no.
Isi kinni hantaaleyyetixxa hunna enqaan;
qulliyyetixxi hunna kinni lebenda'nee me'itaan.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.