Gedeo Bible
Faarotikaa Maxaafa 70
Gargaarsakee'e Soodatendeexxa Soodachcho
Faarsaleeyyetike Sooresi'a Mageni isoo'o qaabato'a Faarseendeexxa Daawwitixxa Faaro.
Ee, Mageno anee anjir!
Duuchchi Woddike Goottaa rakke anee gargaar.
Anee shiyo'a haasaki duuchchi shooke dommi hiyyowwaal;
anxa miidhensha eeyyaki duuchchi salphate udumi'a higowwaal.
Bagganni! Hiyya'ni ane'ni gacifataak duuchchi shooke udumi'a higowwaal.
Atee yoraak duuchchi gammadowwaal;
illillisowwaal;
Anjira atixxa eeyya'neek
duuchchi wodda, «Mageni lummedhuun» hiyyowwaal.
Ani woyi fulabe'nokenna rakkichchaken;
Ee, Mageno rakke anbaa amo;
Ee, Duuchchi Woddike Goottaa! Anee gargaartattokinna anjirtattok atete kaddettaxxee turtoxxe'e!
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.