Gedeo Bible
Faarotikaa Maxaafa 57
Mageniinke Gargaarsi'a Shiqqeexxa Soodachcho
Faarsaleeyeetike Sooresi'a «Balleessitoxxe'e» Hiyyemaake Meellinni Faarsendaaxxa, Sa'ooli Edii'n Baajeexxi wolo'o Giddo Hedhemma Wodda Daawwitixxa Soodachcho.
Ani'aa marar Ee, Magenao! Ani'aa marar;
Lubbo anxi atee gollake assexxe'een,
ba'ne jabaxxi tinni saxxaa qico'ni
atixxe bobake gaadisi giddo gollato.
Ani'a hedeexxa ani'a muuxaake
Dada Duuchchike Duuchchi Woddike Gootta Mageniba'aa oodhaannen.
Anee rakkisaammake mannanaa'n ane'ee gatiso'a
iimatenaa'n ani'a gargaassa ergaan;
Mageni jaalala ifixxanna xuurameessumma ifixxa ani'a ergaan.
Anee neeniinqi buqe'een;
ninnifaake biniinchixxe oddo'ni ibennen;
kunni neenqi isso insa'neexxi bagedokenna gabe
arabi insa'neekinna qarake wolaantichcha kade'eeke mannan.
Ee, Magenoo! Iimuwwati iima kubbisemi;
gaachanni atikinna butta duucha'n hedhowwaal.
Insa'ne lekka anxee'e fonxoro fanne;
aninna yaade hangulli hiyyenne;
me'annoke ora'n bale ani'a qonte;
yaane kinni insa'nenni bale eettene'n inbe.
Ani mamabe'non! Ee, Mageno ani mamabe'no;
faarsannon; meella'ninna faarsannon.
Tee anxe lubbo dammaqi;
koo anke baganaa, tee anxe masinqo dammaqi;
aninna soodi maro dammasso.
Ee, Dada Duuchchike Goottaa!
Gosa gosake ardi giddo atee sadannon;
arduwwi giddo ati'a faarsannon.
Jaalala atixxi iimuwwati qico'n gelte'eexxen,
xuurameessumma atixxinna iima duumanchii qico'ni geltaan.
Ee, Magennoo! Iimuwwati hana kubisemi;
gaachchanni atikinna butta duuchcha'n hedhowwaal.1
Source notes (1)
- Cross-reference 1 Sam. 22:1; 24:3.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.