Faarotikaa Maxaafa 54

Naaphiinxe Anganaa'n Gataatee'e Shiqqaxxa Soodachcho

Faarsaleeyyetike Sooresi'a Baganuwwik Zaafaxxi Horte Sa'ooliiba Daggeexxi «Daawwiti No'oba Sho'ome'een.» Hinee Wodda Daawwitixa Gence

1Ee, Mageno summa atikenni anee anjir;

hunna atixxenninna ani'aa muri; 2Ee, Magenoo! Soodachcho anxa laqi;

haaso'a ankanna caqasi.

3Alagi ane'ni ke'eedheen;

manna sodaachchisaak manninna lubbo anxa halse'een.

Mageno mitteelchchonna geessinsebaan.

4Dugaaten, Mageni anke gargaarsanjon;

Dada Duuchchik Goottinna anee kiphaaken.

5Naaphi ani'a hedeemmaxxa fuggoxxa Mageni iso'ninni hiissowwaal;

hiyyichcho atike'ni addate'eennen ati insa'nee balleessi

6Eeyyuunte anxenni tolcha ati'aa shiqishaanenni

Ee, Duuchchi Woddike Gootta ati eloke kaddeetaxxee

summa atika saadannon.

7Rakko duuchchanaa'ni anee fulchiteettaxxee'e

naaphi ankinna injifatemee'naa ille anxenni uudenneni.1