Skip to content
BibleKenya

Gedeo Bible

Faarotikaa Maxaafa 48

Tsiyoonii'i, Mageniinka Qachcha

Qorexxe Hortexxa Faaro

Duuchchi Woddiki Gootti lumoken;

no'oke Mageniinke qachcha'ni, ifixxe woyyitte kooba hanaa lumo qico saadema hasissaaken.

Butta duuchchike gammado kadde'eexxi,

middi darre'n qeerrink danchoonde'eexxi Tsiyoonixxi kooba

lumoke moyanjike qachchan.

Mageni ookkone qachchike jabake mootummatike mini giddo hedhati qachchiinke golla kadeexxa kookeesse'een.

Moyanjuwwikinna welti gudde'e

mitteba bukki hiyye'e ookkone qachcha lolatee dageexxi,

qachcha ookkone uunde wodda mambe'a hine;

sodaantenna banje.

Ookkonni sodante culphinse; ciniiffattammaxxe manjichchoshshanna ciniinfante.

Boroti darree'n gandaammaxxi diidalo Terseesixxa hoboluwwa gande xeertammashsha

atinna insa'nee balleesittete.

No'oo lanqenneshshanni Dada Duuchcha Ajajak Duuchchi Woddik Gootti Mageniik qachchi,

Mageno no'okike qachcha'ni

Dada Duuchchik Duuchchi Woddik Gootti duuchchi wodda jabeese uurrisaaxxa undenne.

Ee, Magenoo! Galma atik giddo he'nee'e

duuchchi woddixxa atixxa jaalala qalli hina'eennen.

Ee, Magenoo! Buttattixxe gabala qico'n saadino atixxi geltemmashshanni,

atike summiki gurrinna iittanni fule'een;

middiixxi atixxi anganna qullumma calla assitaaxxen.

Atixe dhugatixxe murtexxee'e Tsiyoonixxe kooba'n hedha'neek ardi gammaddowwaal;

Yihudake qachcha'n hedha'neek duuchchi burraaqowwaal.

Tsiyoonike loola'n mammarremme; qarqara iseke'ninna dowwe;

isexxa heqqatixxa xeelleephphuwwanna laakko'we.

Daggaaxxe ila'n haasotinaashsha Tisiyoonka jabaka dalla'anna kollo isexxaara hubatine uudde.

Kunni Mageni duuchchi woddi'a no'oke Mageno kadeemmaxxee

muuxamii qico'n no'oo akeekaak isoten.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.