Skip to content
BibleKenya

Gedeo Bible

Faarotikaa Maxaafa 149

Saadinotixxa Faaro

Hallee luya;

Duuchchi Woddika Gootta saaddee!

Duuchchi Woddike Gootti'a haaroxxa faaro faarsee!

Saadinotanna isike ardixxe bukki giddo isoo saaddee!

Isira'eelik ardi ifikee dadalli'a gammadowwaal;

Tsiyooni ardinna ifikee moyanji'a illillisowwaal.

Kumbullisati

okolekanna begena gannati

insa'ne Duuchchi Woddike Goottika summa saandowwaal.

Duuchchi Woddik Gootti arda ifike'ni gammadaammaxxee'e

isi shaqqake manni'a injiffachcho uwwati insa'nee ulfeessaan.

Mageniink ardi tennee injiffachcho'ni gammadowwaal;

hashsha duuchchanna gammashshoti faarsowwaal.

Lame qarka wolaantichcha anga abixxineexxi

afo'o insa'nekenni Mageno saanda'ni galateeffantowwaal.

Iitta assati gosa gosaka arda injifantaan;

ardakanna xinxaan.

Insa'neka moyanjuwwa sibiljiinke haachchabinni

ja'laabuwwa insa'nekanna lekkatike sibiljinni usuraan.

Tinninna insa'nexxee'e borresendeexxa murte muuxateeten;

tinni arda isike duuchchi'a gaachchanaken;

Hallee luya.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.