Skip to content
BibleKenya

Gedeo Bible

Faarotikaa Maxaafa 14

Manji Hujaaxxa Fuggoxxa Huje

Faarsaleeyyetike akeekisanji'a Daawwitixxa faaro

Gowwoole godobi giddo «Mageni hedhebaan hitaan;

iitta hedheek manni woyi fulaakerabaan;

gammachchissabaaxxa yaanerranna assaan;

insa'ne giddi'n mittikinna eloxxa assaak hedheebaan.

Duuchchi Woddiki Gootti isoo'o halsa'neeki beek manji hedheexxa uudo'a

iimatenaa'n butti'a manjiinka belto uude.

Yaane kinni manji duuchchi orakenaa'n gore'eemman;

duuchching mittenba bushe'eemman;

insa'ne giddii'n mittikinna eloxxa assaammak hedhebaan.1

Fuggoxxa hunja'n mittechchonna egenebaan hiyyatee? Budeena

indammashsha arda anka itaakiir,

insa'ne anee'e Duuchchi Woddike Goottiba'a soodantabaan» hiyyane'een.

Mageni isi'a ajajeememmake mannin welti hedhemmaxxee

fuggoxxa assamaki ookko hedhdhemambaa allayik culiphphisaan.

Ha'no kinni hiyyeeyye mannika yaada guguffachchiisinoolenna midde

Duuchchi Woddiki Gootti insa'neeke golla kadaan.

Isira'eelii'i anjiraak Tsiyoonii'n dageele!

Duuchchi Woddiki Gootti ardiinxa booji'o hiissaxxa yanna

Ya'iqoobixxi horte gammaddamman;

Isira'eelik ardinna illillisamman.

Source notes (1)
  1. Cross-reference Rom. 3:10-12.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.