Faarotikaa Maxaafa 122

Iyyerusaalemi Dhaadanteexxa Dhaadachcho

Daawwitixxa Faaro

1«Duuchchi Woddike Goottike minibaa me'inoo!» Hinee wodda gammadennen.

2Tee Iyyerusaalemi!

No'o ta'a hula atixxe'ni dangee'e uurrineenneni.

3Iyyerusaalemi ardi weli'aani weli

shiqe'e jabaataashsha ijaremeeke qachchani.

4Duuchchi Woddik Gootti ajajemmashshanni

Duuchchi Woddika Gootta galateeffatto'aa

Isira'eelixxi gosa duuchchi bukki hitaak

konne qachchibaaten

5Daawwitixxe sannek moyanjuwwi duuchchi arda ifika moyaammak

konne qachchi giddo ofo'leettemman.

6Iyyerusaalemike qachcha'ni nage'i hedhaashsha

hitinee soodatinnaa qici,

«Atee eeyyaak duuchchi duroommowwaal;

7Dalla'i atik giddo nage'i hedhowwaal;

atike moottummatike minuwwi giddo ti'ni hiyya hexxowwaal»

8Anike firiixxeenna anke jaaluwwixxe buuttoxxee

Iyyerusaalemii'i «Nage'i atinni welti hedhowwaal!» hiyyanon.

9Tee, Iyyerusaalem! Duuchchi Woddike Gootta no'oke Magenik minixxe buuto'a hiyye'e

eloxxi yaane atenaa'ni gortabaashsha gaabba'eennen.