Gedeo Bible
Faarotikaa Maxaafa 101
Moyanji Magenokee Aagaaxxa Kako
Daawwitixxa Faaroo
Ee Duuchchi Woddike Goottaa!
Atixxe xuurameessemmaxxeenna toggitte murtexxee faaro farsa'eennen.
Komatendabaaxxa hedho hedhannoni
ati anibaa daggatoki haanote?
Anike mini hadinni qullite hedhoni hedhannon.
Ani hedheneba fuggoxxa assinaa'naa sammi hiyyabe'non;
Magenokenaa'ni bayyateeki manni assaaxxa duuchcha gibanno;
insa'nenninna mittoomabe'non.
Fuaggaleesi manni anenaa'ni bayatowwaal;
fugoxxenni welti firooma afebe'non.
Hashashati manna hamataaka manjjo sammi assannon;
hollaameeyyenna caqaaleeyye mana ca'li hiyye udabe'no.
Magenokee xuurameessake kadeeke mana'ni'i godobi ank hedhen;
insa'nenna anike mine'n he'na'ni ani'a ergateemmaan.
Lame afo'iki manni anke mine'n hedhabaan;
dhara haso'aakiir ille anxi edo hedhabaan.
Bara bara'ni anke boga'ni hexxeexxa fuggaaleeyye biranoni;
Duuchchi Woddike Goottike qachchi giddii'ninna jalliyye duuchcha balleessannon.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.