Skip to content
BibleKenya

Laakkosiinkaa Maxaafa

Numbers

Introduction from this edition

Laakkossiinkaa Maxaafa

E'yichcho

Kunni laakkossiinki Maxaaf kula'neeki raagi; Isa'eeliki ardi Siinaxxe koobanaa'ni ke'e me'eexxe yannanaa'ni ke'ise Mageni insa'ne'a uwwo'a kako aage'e addachchiiseemmake bogixxa boroti darexxa gabala shinqaaqico'ni hedhdheeka shoole tomme woggaka raaga kulaan. Konne Maxaafiki summi raaguuwi iimidarre saxxe leellita'neexxa kuta leelisha'neen; kunninna Isra'eelito Siinaxxa koobba waalde kexxe me'iteba edidare; ittani mitte ila uduma Yordaanosike galaaniba'ni boroti daree'ni Mo'abike bogani Muusse arda laakko'exxa leellishshaani. Lamiinge ardiinke laakkossi giddo Isra'eelito Kannanike bogixxa bita'i darexxe gabala kaddeexxa Qaadesi barinne gennee'naatemani; kado male'e ookkone darree'ni addetike bogiba'a e'ya dandeennebaan; kaddolenna ookkonne boonchike qariqara'n heddo wogga ofolleehchi uduma Yordaanosike galaanibaa'ni boroti darre'ni hedhdheeke bogiba'a me'ine; gamisi ardi ookkonni he'no'a mudhdhinaa wodda; gateemmaki ardi kinni Yordaanoosika galaanna fofeexxi Kannanike bogiba'a me'o'a qophpheefffate. Lakkossiinki Mxaaf heddo yanna rakko insa'ne'ni geltaa wodda sodaata'ni adde gophati; Magenoke'ninna insa'nee akeeko'a Magen insa'ne'a fileeke Muusse'ni jallatammake ardike ragaan. Ardi gophphaalessakenna ajajemabaake kadoolenna midde Mageni insa'nee kubbisa'n hedhdhemmaxxa raagi leellisha'neeni; iittani Muuse mitte mitte yanna ossunte afa gophoolenna; jabaxxa adde afeemmaxxeenna Magenokanna arda ifikee addatenshati erigaatemeeke kadeexxa leellishaan.

Konne Maxaafi Giddo Hexxeexxa Yaanuwwa

Isra'eelito Siinaxxe koobanaa'ni me'ate qophpheeffatteexxa

Siretika gosa gosak ardiinka laakkosa

Gargaritti hedheeka seesuwwanna gadumuwa

Langaka sa'atika ayyaana

Siinaxxe koobanaa'ni Mo'abike bogiba'a

Mo'abike boga'ni kaddeexxa yaanuwwa

Gibtse'ni Mo'abi qico'ni me'inexxa me'a harumaqicinni

Yordaanosika galaana foonfeba edigama uwwemeeka seeruwwa

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.