Skip to content
BibleKenya

Gedeo Bible

Naahoomikaa Raaga 2

Nenewwexxa Iba

Tee Nenewwe atee miidhaki ate'ni dageedheen

gollo atixxa heqqedhi;

ora atikanna gaadi;

hidha atika usudhdhi;

hunna atixxa adda jabeessedhi

Balleessammak manni mulqedhoolenna,

insa'neke woyinettike hiddichchika fichchanna ballesinoolenna

Isira'eelike gaachchannishshanni,

Duuchchi Woddiki Gootti Yaa'iqoobika gaachchanna hiissaan.

Isike loliinke mannixxi wontuwwa diimoxxen

loliink manninna dhiile seema oddo'we'een;

Insa'ne qixxeffanteexxe barra'ni,

sarageeluwwink siblji cala cala hiyyaan;

fadhado gulufeek loliink manni loliinka sibiljo qeeffata'ne irbaan.

Iikki sarageelluwwinna orake'n elqe kayya didaan;

oruwwake'ninna qolcha'n

Bubaake xassa labaan;

banquffa darbemmaan.

Ifika ege'nemeeka loliinka mannanna ye'aan;

yaane kinni insa'ne orake'n gugguffantaan;

Ookkone qachchike dalla'ibaa gonginaan;

iitti faachcheffachchotixxi wonte bakkate'n hexxeen.

Ookkone galaanxi hulanna adda banende;

iikki mootommatiki mininna ibe.

Iikki qachchi booji'eme adhdhemaa isixxi gattabaaxxa,

edonni kulende'een;

Meyyaxxi isexxi garboole guugenjoshsha yuusaan;

qoma ifixxanna ga'ninaan.

Nenewe baleesiinshaten,

iseki wodi'inna bagaan,

Insa'nenna «Uurri! Uurri» hina'ni cancinaan,

yaane kinni udumi'a higaak hedhebaan.

Ookkone birretika sibljonna saamme;

eettenee worqenna mulqedhdhe;

Masseccatike mine'n tuulendeexxa

karra tennete hiyyendaaxxebaan.

Nenewwe saamende'een mulqende'een duwwixxe kadde'en;

qalbetinna holboqqeen; gulbikinna giligili hiyye;

bisikinna roqoonse;

Manji duuchchinna wekkello'een.

Ta'ata ookkone neenquwwixxi wolo'o,

beltanna ifixxa ittilsaammabi,

Labbakinna meyyak neenquwwi me'ammabi,

iitti neenqiinxi beltannuwwanna soda'abelo bobbaa'ataamak boonchi haba hedhee?

Iikkii neenqi beltanna ifixxee'e geyaaka shi'we aadhe dage;

ifike meyyaxxeenna ittaaka shi'we aadhe dage;

Shiyeemmaachcho galammaxxe bakka'ni

bulteechchuwwa ifixxe welo'o'ni wonsheen.

Dada duucchchik Lumok Duuchchi Woddik Gootti hiyya'nee qici,

«Tee Nenewwee ani ate'ni ke'eenen;

sarageeluwwa ha'nooka gubee wililiichchannon;

Ha'nooka oosichcha neenquwwanna wolantichchi itaan

ittinaachchonna buttate'n ha'no'a gatisabo'non;

Ha'nooke erganjuwwiki hafuurinna

konneechchinn edi'a laqemabaan» hiyye.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.