Matoosixxaa Wengeele

Maatoosi Borreesseexxa

Gootta No'oke Yessuusi Kirstoosixxaa Wongeele

E'yichchoo

Maatoosixxi wengeele Yessuusixxe dagaxxi addachchiisa edisseexxi kulendeeke anjirallo kada isixxinna Mageni edise kako arda ifikee uwweexxa addachchisaaka hiyyichchi muuxe'emaak isi darre'n kaddeexxa kuldaaxxa eloxxe odoka hiyyichcho afe'eken. Tinni eloxxe odoke eloke haaso'i Yessuusi insa'neexxe oddo'ni ilemee nophpheeke Ayihudotakeete calla kadebaak butta duuchchi'anna weltiten. Maatoosixxa wengeele xexxe'achchotti qixxeessemeeke maxaafan; Yessuusixxe ilenshanaa'n safeexxi isixxe xammaqaxxenna isixxe hega uudematixxee barachchiiseechchi uduma Isi Geliili giddo asseexxa lallaba, barsiisatixxanna fayyisatixxa isixxa ergatensha shiqishaan; ookkonechchi uduma Yessuusi Galiil'n Iyyerusaalemi'a asseexxa me'inji'aanna tenne butta'ni tureeke udumixxe woggaxxe torba'n kaddeexxe yaanuwwaxxe kulaan. Tinni yaanuwwanna isixxa fannisenshanna isixxa reyonna ke'a mitteba abidaan. Tinni wengeel Yessuusi, Mageniinka seera tikatee baallooma afe'ekenna Mageniinxe mootummaxxe barsiisaake lumoke barsiisallo asse shiqishaan; isixxexxe barsiisanaa'n birasaxxaaxxi garga hexxe bifanni mitteba'a abidendeexxe onde kuta'n dhaabendaan.

1. Mageniinxe mootummake mannika adaba'a, huje, insa'ne'a seeri uwwaaxxa yaanuwwanna muuxamiinxa qoobo ege'nishaaxxi isixxi koobatixxi lallaba 5:7.

2. Mitte tommenna lame isixxi eragemeeyye wengeeltixxe lallaba'a ergendeexxa yanna insa'ne'a uwwendeexxi akeette hafuura adhdha 10:3.

3. Mageniinxe mootummaxxe'e shiqqeexxi gargargargar hedheeke mammaassuwwi hafuura adhdha 13:4.

4. Ergameeyyummatixxa maachchumma ifissaaxxa barsiisa haffura adhdha 18:5.

5. Ta'ike barike muuxamixxeenna Mageniinxe mootummaxxe dagaxxe'e uwwendeexxa barsiisa hafuur adhdha 24-25.

Konne Maxaafi Giddo Hexxeexxa Yaanuwwa

Yessuus Kiristoosxa ilematika daalonna isixxa ilensha

Xammaqallo Yohaannisixxa ergatensha

Yessuusixxa xammaqenshanna isixxa hega uudensha

Yessuus huje Galiila safeexxa

Galiilinaa'n Iyyerusaalmi'a

Muuxamiinxa isixxa torba Iyyerusaalem giddonna qarqara iseke'ninna ola'a iseke'n

Goottiinxa reyotenaa'n ke'anna isixxa leella