Skip to content
BibleKenya

Gedeo Bible

Iyyoobikaa Maxaafa 5

«Koo, Iyyoobi! Ati'a hiisichcho uwwa'neeki manji dedha hedhoole amo ye'edhi?

Atee gargaartaaxxi erganna heente?

Gowwa manjo hifote shiltaan

hinaaffe anna okkonende balleessita

Gowwakee yaane duchcha eldee'na uudenne

yaane kinni Mageni ikkiwoddi mine isika diige

Oose isixxi irkattaachcho afooqe'e

murtetixxe songo'ni insa'ne'a baassaki hedha gophemmaxxe'e

seeri beloxxi insa'ne'ni geltowwaal

Huceexxa midha soolo'weeki manni itoowwaal

wele walini utetixxe oddo'ni ibbeexxa midde isi'a gatisabaan

dhebo'weeki manninna karra isixxa adhdho'a yoraani

Rakko itaanni butti'ni daggeechchobani

abarikinna bada'atishsha buttini giddii'ni imi'a lateechchobaani

Qaanqe boosi'n iimi'a xoggitammashsha,

ittanni manjikinna rakkoteenna abarake ilemaan.

«Ateenna ante kadennele Maggeniibaa wirri hiyyannan

rakko anixxanna iso'inni ku'la'naa

Isi konnete hinabaaka manibe'uwwanna

egennabaaxxa lumolluwwa yaanuwwa assaani

Buttate'ni xeena gansiisa'ni

fichchuwwakanna shanshe goddisani

Saliiphatemakara lummise ulfeesaan

yaadaammmakaranna gammachchiisaan

Hendeexxa muunxabaashsha xaqartiyyetika heduma tola gatisaan

Beekkoletee xaqaro insa'neexxi insa'ne'a fonxorote kaddaashsha assan

xaqartiyyetika heduma oraani gatisa1

Barra insa'ne'ni dukkandaan

bara saafo'a dukkana giddo me'eke manjishsha titimminsaani

Hiyyeeyye naphiinke bagedonaa'ni gatisaani

rakkiyye miicaammake mannixxe anganaa'ni fulchaani

Hiyyeeyyetee assanno hiyyeexxa assaani

fuggaaleeyyetanna buttatteenaa'ni balleessaani.

«Manji eloke ora'ni me'ashsha Mageni xixaake manjixxa wodo!

Tennexxee lumoke Magenika xixiichcho tufatoxxe'e.2

Mageni atee enqoolenna hisse xaasaakeni

mitte angani atee miidhoole mitteti fayyisaani.3

Jaane ate'e miitaxxe yaanenaa'n anjiraan,

torbeessoxxe'inna miidhendaboxxon.

Solo'iinka baro rertaboxxoshsha atee heqqaani

bagedin sanenna reyotenaa'n atee gatisaan

Mageni atee fuggoke arrabikenaa'n heqqaan

arda mitaaxxi yaane daggoolenna sodaattaboxxoni

Atee miidho'a ke'aaka mannanna kadi solo'o tuffattattoni

manna miidhaaka biniinchanna sodaattabexxoni

Huccitatto wodda kino ati edii'n baqattaan;

biniichchikinna atee kisabaani nage'ki hexxattoni

Atike duunkaana'ni nagei'ki hexxattoni

gedhebo goodhe giddo towattatto wodda nege'ing hedhee'naa affattoni

Ila atixxi birasaxxee

buttatixxe badda'asshha fakkandaan

Midha haammammaxxe yanna qico'ni fichchi giddo turtammashshanni

atinna wogga godditee cindatto qico'ni hexxatton

Koo Iyyoobi, no'o tinni duuchcha dhuugaate kaddeexxa hubante'e uunideenneni

amo tennee laqqee isee hujete'n hosis.

Source notes (3)
  1. Cross-reference 1 Qor. 3:19.
  2. Cross-reference Mam. 3:11; Ibr. 12:5-6.
  3. Cross-reference Hos. 6:1.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.