Skip to content
BibleKenya

Gedeo Bible

Iyyoobikaa Maxaafa 26

Iyyoobii'i

Ookkoneechchi uduma Iyyoobinna hiyyee hiisse qici:

«Hunna afebaa manjo hittata gargaartette!

gopheeka manjo hittata anjirtette!

Beekkuma afebaakee hitta hedheeka gorsa uutettexxa,

ege'nebaakee hitta eg'nashsha assitettexxa uudi!

Hitta iitta hasoottotaa dandeettette?

Ayyike haffuura atee iitta haasooseek?

«Abbaayyati hundi darree hedheek reyeemmak manni

lumoxxe soda'anaa'n kexxeexxa culphisate'ni hedheen.

Mageni reyemmaki manni hedhemmaxxa bale giddo duuchcha afaan;

mittilchinna isoo gollaachchi hedhebaan.

Mageni middi darrexxa iima isexxe bakka'n dhiseedheeni;

buttatanna iittanni duwwixxe bakka'ni rarraate hexxaashsha asseen.

Mageni duummanchi giddo wode'e wonshe

wodiik a'urrenaa'ni kexxeexxa duumechchi dareemabaa.

Isi agenjiink goobani duumencha golashsha assaan.

Ifakanna dukana garigari hiso'a

Abbayyati hana gabala quuqubi asse dhiise giise

Isi mufate xiixaa wodda

Iima abide'emaki utuphphuwwi girigir hiyyaan.

Isixxe hunnan Abbayya sammi assaan;

beekkuma isikenni Ra'aabi hinaaka Abbaayya giddika lumoka binichcha balleessaasan.

Hafuura ifika uffu hiyye iima ca'aa assaan;

anga isixxenninna lootaaxxa jawwe oottaan.

Kunnichchi duuchchi Mageni hujeexxe yaanuwwake haffaaqan;

no'o isixxa yaane hashashote lanqaannen;

Mageniinxe hunnaka lumminne tummi assee ayyete ege'na?»

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.