Skip to content
BibleKenya

Gedeo Bible

Issayaasikaa Raaga 4

Eettene yanna torbaane melaalle

mitte labbaka abixxite,

«Ifixxa sagale indaannen

ifixxa seemmanna oddo'winaannen

No'o atike summi callinni ye'emunnun

isixxe aruwwani hiyyemonna'a calla no'o aadhi» hine isoo kadhantaan.

Iyyerusaalemixxa Haarro'ma

Eettene yanna Duuchchi Woddiki Gootti buttate'n hedheeke hiddichchuwwanna haqqetixxa damoole hanjise danchondeexxenna ulfeessendeexxe assaan; Isira'eeliki ba'netenaa'n gateki ardi duuchchi butta fulchitaaxxe midha'ni gammanda'n hollnaan. Tsiyooni giddo bagedokenaa'ni gateeki Iyyerusaalemi giddo booji'emebaaki gatekiiri Iyyerusaalemi giddo lubbo hedhaashsha fi'leek manni woyyichchake hiyyemaan. Duuchchi Woddiki Gootti arda ifixxe murtenaa'ni hafuuriinxe hunnanni balleessatenna'ni ca'a assaan; isixxe murtenn isike ulfinninninna isixxe hunnanninn Iyyerusaaleminaa'n mundetixxa dunensha hoyyaani. Ookkoneechchi uduma Duuchchi Woddiki Gootti qachchuwwa duuchcha'ninna ookko bukki hiyyammake duuchcha'ni barra jabaka duumancha, hashsha hashsha giiratike bubeniinki ifi hedhaashsha assaani. Mageniinki ulfinni qachchuwwa ba'lake dunkaanishsha buqee heqqaan.1 Isiki ulfini qachchuwwa barrike arishshotike holatanaa'ni gollaan; xeenakenaa'ninnaa hobonbaltetenaa'ni gollante gantaaxxe bakka kaaddaani.

Source notes (1)
  1. Cross-reference Fula. 13:21; 24:16.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.