Skip to content
BibleKenya

Gedeo Bible

Issayaasikaa Raaga 20

Duwwi Me'eeke Wabeekika Beesisa

Asoorike moyanjo kadeexxi moyemmake Sargoonike ajajinni Asooriki loliinke manniki ajajalli Ashidoodi hinaaka Filsixxeemika qachcha lole abide; Eettene yanna Duuchchi Woddiki Gootti Amootsika belto Issayaasi «Kophetanna dooniyatixxa seemma fulcheexxettexxi duwwixxe lekkanni me'i» hiyye ajaje. Issayaasinna ajajemeexxi saalibelo hedhe duwwixxe lekkanni mammarema'nemman. Duuchchi Woddiki Gootti, «Erganji anki Issayaasi saalibelo hedhe duwwixxe lekkanni sase wogga duuchcha mammarema'nemman; kunni Gibtsee'ninna Tophiyake'n daggaaxxe yaaneke beesisan. Asoorik moyanji Gibtseeki ardi salphisaashsha dolla buqedhebaangi dargaggeeyyete kadi geedhe saali belonni duwwixxe lekkanni he'nee'naa Gibtsekanna Tophiyiinka arda booji'e adhdhe me'aan. Tophake'n addatammakinna Gibtsee dhaadatammaki duuchchi sodaante shoonkaan. Eettene yanna abbaayyaati qarqara hedhammaki ardi, ‹No'oo Asoorike moyanjonaa'n anjiraani hine addante insa'neeba'a shikki hinenneke bogike arda'ni dageechcho uuddinaa! No'o fa'i hitta gantanno?› » hinaan.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.