Gedeo Bible
Issayaasikaa Raaga 12
Galatinxa Faaro
Eettene barra, hitato qici,
«Ee, Duuchchi Woddik Goottaa!
Edi baro'ni no'o'n mufatteettani;
Ta'a kinni mufe waldettexxi
no'o dayyeessitettexxe atee galateefataannen.
Kunnise Magen anjire no'oxxen
iso'n adatannaxxee anee sodachchisaachchi hedhebaan;
Duuchchi Woddiki Gootti anxe hunna anxe faaron
isinna anxe anjira kade'een»1
Ane fayyisaake wedi'iinxe gammashshoti ikki'litinaan.
Eettene barra hitinaa qici:
«Duuchchi Woddika Gootta galateefatte! Summa isikanna ulfeesse!
Isi asseexxa gosa gosake arduwwi giddo haaso'we!
Hittee qico lumoke kadeexxa lasse!
Lumolluwwa yaane assemmaxxee Duuchchi Woddika Gootta faarse;
tinni lumolluwwa yaane butta duuchcha'n ege'nendaashsha asse.
Ha'no Isira'eeliki ardaa ililisse
Gammashshoti faarse;
oddo ha'nooxxe'n hedheeke Isira'eelik Woyyichchi lumoken» hiyye.
Source notes (1)
- Cross-reference Fula. 15:2; Far. 118:14.
Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.