Skip to content
BibleKenya

Gedeo Bible

Hoose'ikaa Raaga 12

Efireemi diidalotike allalisanjon,

barra duuchcha borotixxa diidallo hordofaan;

dharakanna xaqaro bira sa'issaan.

Asoorin weltinna weli aagaan;

ejersiinxa zayitenna Gibtsee'a ergaan.

Duuchchi Woddiki Gootti Yihudaa ku'la'neexxe kula hexxeen;

Ya'iqoobi me'inji isikishshann xixaan

Huje isixxishshanni hira isi'a uwwaan.

Gadaameesi giddo ifike dayyika tinxa abixxeen;

nophpheechchi uduma Mageniki welti wo'laancho abixxe.12

Iimike erganjinni welti wo'lancho abixxexxi isoo injifate:

isi edo elle alfatee oodhe isoo kadhate;

Isoonna Beeteli afe:

okkonna isinni welti haaso'e.

Isinna Lumoke Duuchchi Woddik Gootta Magenon; isi ege'nemmak summinna Duuchchi Woddike Gootan.

Tennexxee atike Mageniba'a higi:

jaalalatanna seeriinxa murte jabeessite heqedhi;

duuchchi wodda Mageno atike'n addatem.

Lebendeedexxa Murte

Daddalto seeribeloxxe kiilo'n gurgudhitaan;

moorakanna eetaan.

Efireemi, hiyya'ni ifi saadaa qici,

«Ani qabaataken;

dureessake kadeennen;

Tenne karra duuchcha afee'naa

mitte balleessanna cubbo ane'ni afenda'a» hiyye.

«Gibtseeke boganaa'ni ha'noo fulchenneki, Duuchchi Woddiki Gootti ha'nooki Magen anten:

Woggatike ha'nooke ayyaanixxa barra: asitinammashsha duuchcha,

Haaroba seemmati giissineeke ha'nooke fooquwwa'n ofoldinaashsha:

ha'no'o assannon.3

Wabeekkolete'ni haaso'eennen:

heddo waleella insa'ne'n leellisheennen;

insa'ne darree'n mammaasiki haaso'eenneni» hiyye.

Gele'adi fuggichchaken

ardikinna wayifulabaaken;

Jiboota Geligeelike booncho'ni tolchinata?

Insa'nek tolchimalch ko'emeeke fichcha'ni hexxeexxe

kinoxxe tuulosha kaddaan.

Ya'iqoobi Sooriyaa baaje;

Isira'eel are alfatee ergateme;

hira iseekeenna gedhebo alalle.4

Duuchchi Woddiki Gootti wabeekkichchi darree'ni

Isira'eelii Gibtsee'ni fulche;

Wabeekkichchi darree'ninna isoo abide.5

Efireemi kinn isoo fuggo mufachchiise:

Duuchchi Woddiki Gootti isikinna munde dunatixxa balleessa

iso'in wirri assaan: tuffateexxe tuffexxenna hasisaaka hira isi'a uwwaan.

Source notes (5)
  1. Cross-reference Dada. 25:26.
  2. Cross-reference Dada. 32:24-26.
  3. Cross-reference Lew. 23:42-43.
  4. Cross-reference Dada. 29:1-20.
  5. Cross-reference Fula. 12:50-51.

Gedeo Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.