Amootsikaa Raaga

Amootsikaa Raaga

E'yichchoo

Amootsi ragiinxa oge afeemmabaan; raaga raagatixxe ogexxa leenjooni leenjisemeebaan (7:14). Yaanne kinni gootti midixxe mootumma giddo hedheeke Isira'eelike ard'a eriga geessiso'a erigee wodda Amootsi Yihudi giddo hedheeke Teqoo'a hiyyemaaka ifika qachcha waale me'e. Ookko'ni ke'eexxi Isira'eeliki ardi magenoonfatammake boonchiba'a Bettelike qachchiba'a me'e.

Konne Maxaafi giddo Amootsi edise qarqarake'ni hedheeka arda duukaa'ni; ookko'ni Isira'eelika arda gargari hiisseexxi xoo'mamiki hexxa'neexxa dureeyye duukaani. Insa'ne arda saamo'anna garibake asino'a jabaxxe hunna anfeemman. Heddi ardi goottinni gadho wele magenoonfantaaxxi fakkuwwa anfoolena midde Duuchchi Woddiki Gootti insa'nee heqqa'neexxa addantamaani. Amootsi kinni cubbo insa'neexxixxe dafee'a xixxichcho adhdhinaaxxa insa'ne'a hiyya'ne kulee qici: Elobaaxxa yaane waalle; elooxxe kaddeexxa eeyye.

Muritetixxe songuwwaa'ni dhugaa gortabaashsha asse; dedha Lumoki Duuchchi Woddiki Gootti Mageni gateeke Isra'elike ard'a gattowwaali hiyyaaxe hexxeeni (5:15).

Konne Maxaafi Giddo Hexxeexxa Yaanuwwa

Gosa gosaki ardi ifixxe balleessa'a xixichcho adhdhaxxa

Isera'eelixxanna Samaariyyaxxa ba'ne i

Isira'eelixxe xixenshaxxe Amootsi'n leelliteexxa onde leelluwwa

Isira'eelixxa elooxxa halcha