Zonas 3

Zonas ha Ninive

1Mɔ zebwa, Wankpoo tɔa wen ha Zonas: 2«Gutɛ! Mɛ nɛ ha ngbale Ninive. Mɛ bulsi wen ka mi tɔa ha mɛ ha hio wi mɔ lea. 3Mɛgi, Zonas guotɛ. Wɛnɛ pena mɔ sising ha le Ninive mɔsoykisi tuka Wankpoo batɔ ha wɛnɛ. Ninive badung nɛ ma le. Ɛ denɛ yala tar ha gɔna zang le Ninive. 4Zonas lea hazang lea. Nɛ hapata yala ndang nɛanɔ, Zonas angara bulso wen ha hio wi: «Hapata yala bhukɔa nar, Sɔ be gdangsi le Ninive fɛt yunɛ!» 5Pata nyan na, hio wi mɔ Ninive angara mɛkara wen pɛ Sɔ. Mbwa zimɔ nu mbwa ha yɔngamɔ. Hio wi fɛt kuo zimɔ mɔ, nɛ yol yo, angiri a nɛ hio wan-kpamɔ gboa hatɛ hio fabha wi fɛt. 6Ka kongapora mɔ Ninive zea wen ɛngɛ, wɛnɛ guotɛ hazu solowan pɛa, kpɔsi latɛ wa yunɛ, baa la ngɔtɛ yol, nɛ wɛnɛ nɛa dung hazang bokwe. 7Hapata, kongapora banɛ hio ngbawi tom gɔfɔrɔma pɛa haanu mɛgɛ ha hio wi mɔ lea: «Ɛnɛ hembela nɛ wen ɛngɛ hazang dɛl Ninive nɛnɛ: “Lɛma nde hio wi mɔ le fɛt, hio nday, hio sami, banɛ hio olo nadalɛ fɛt ayɔngmɔ nɛ nɔmɔ1 na. 8Hio wi banɛ hio sari fɛt ayol la ngɔtɛ, hio wi ndang ndang fɛt agɔ Sɔ nɛ ngaya. Wi ndang ndang alak kalbho-kalbho deamɔ pɛa hinɛ deamɔ ngaya nɛtum hatɛ wi gde! 9Ɔ ing na, mana Sɔ besanzi nu wa, nɛ wɛnɛ begde ngambi pɛa, nɛ kpasisi ɔ a fio.”»

10Ka Sɔ zɔka hio ngayamɔ fɛt ka mbwa dea, wɛnɛ sanza nu wa. Sila wa kio wɛnɛ hawen gdangamɔ ka wɛnɛ ngoya mɔ de hatɛ mbwa, nɛ wɛnɛ singo gdangsa le Ninive gde.