Geeshsha Mexaafa
Mazamure Maxaafa 95
Haa yiite!
Ane GODAAS ufayssan yexxoos;
nuna ashshiza zaallas ililoos.
Ane iza sinth galatara shiiqoos;
galata mazamure ufayssan yexxoos.
Gaasoykka GODAY
wolqqama Xoossa,
xoossata ubbaa bollaka
wolqqama kawo.
Biitta ciimmati iza kushen deettes;
zuma xeeratikka izassa.
Abba haaththi izassa;
hessa iza kusheti medhdhida;
biittaaka medhdhiday iza.
Haa yiite!
Hokkidi ane izas goynnoos;
nuna medhdhida GODAA
sinththan gulbatoos.
Izi nu Xoossa;
Nuni iza qooron heemettizayta;
nuni izas dorsa wudeta.
GODAY inttena gizayssa hach siyite!
«Kase intte aawati
Maasaninne Mariiban
ooththoyssaththo
intte wozina muumisopite.1
Istti ta ooso be7idikka
tanara eqettidanne tana paaccida.2
He yeletaa bolla tani
oyddu tammu layth hanqettadis;
tanikka, ‹Istti ubba wode
bantta wozinan baliza asa;
istti ta oge eribeettenna› gadis.
Hessa gishshas tani,
‹Istti ta shemposo
mulekka gelettenna›
Source notes (4)
- Cross-reference Ib 3:15; 4:7
- Cross-reference Kessa 17:1-7; Tay 20:2-13
- Cross-reference Ib 3:7-11
- Cross-reference Tay 14:20-23; Zaare 1:34-36; 12:9-10; Ib 4:3-5
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.