Geeshsha Mexaafa
Mazamure Maxaafa 85
Qoore Nayti Zammareta Kaabbos Diiththan Yexxida Mazamure
Abeet GODAWU!
Neni ne biittas
kiyateth bessadasa;
Yaaqoobe di7ettidasoppe
zaaradasa.
Neni ne asaa naaqo atto gadasa;
istta nagara ubbaa kammadasa.
Neni yiillotizayssa ubbaa aggadasa;
suulliza ne hanqofekka
simmadasa.
Abeet nuna ashshiza Xoossawu!
Ne nuna zaara;
Neni nu bolla
lanccettidayssa agga.
Neni nuna mernaas hanqettanee?
Ne hanqoy yeletappe
yeleta gakkanawu gam7anee?
Ne asay nenan ufayettana mala,
ne nuna ooraxissikii!
Abeet GODAWU!
Ne mernaa siiqoza nuna bessa;
neni nuna ashsha.
Tani GODAA Xoossi
yootizayssa siyana;
istti simmidi
bala ogen bontta aggiko,
ba geeshsha deraas
Saroteth ehanaas
hidota immides.
Iza bonchchoy
nu biittan daana mala
atoteththay izas yayyizaytas
matan dees.
Siiqoynne tumateththi
issife sigetteettes;
Xilloteththinne saroteththi
issife idimetteettes.
Ammaneteththi sa7appe
pude kezana;
Xoossa Xilloteththi
saloppe duge wodhdhana.
Be7ite! GODAY lo7o miish immana;
nu biittayka lo7o kath mokisana.
Xilloteththi izappe
sinththara baana;
izi baanaasokka izas giigsana.
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.