Mazamure Maxaafa 47

Qoore Nayti Zammareta Kaabbos Yexxida Mazamure

1Kawoteth ubbay

intte kushe baqqite;

intte qaala dhoqqu ooththidi

Xoossas ilili giite.

2Biitta ubbaa bolla bayra kawoy

Ubbaafe Dhoqqa Xoossay

izi yashissiza Xoossa.

3Deraa nu gars aaththides;

kawoteththatakka nu toho

garsan haarisides.

4Izi nuus laata biitta doorides;

he biittayn

izi dosiza Yaaqoobey ceeqettees.

5Ililishin Xoossay ufayssan

zaye punnishin GODAY

pude ba araatan kezides.

6Yexxite, Xoossas yexxite;

yexxite nu kawozas yexxite.

7Xoossi alame ubbaas kawo;

hessa gishshas galata mazamure

izas yexxite.

8Xoossi kawoteththata bolla kawotides;

ba geeshsha

araata bollaka uttides.

9Kawoteththata kaaleththiza daannati

Abrahaame Xoossaa

asaara issife shiiqida;

dere ubbaa kawoti Xoossassa;

izi ubbafekka bollara dhoqqa.