Mazamure Maxaafa 16

Dawite Woosa

1Abeet GODAWU!

Ta baqata attizasoy nena;

ne ki7on tana qotta.

2Tani GODAAS, «Neni ta Godaa;

neeppe attiin hara lo7oy

taas deenna» gadis.

3Sa7an de7iza geeshshati

ay mala bonchchettidaytee!

Tani isttan ufayettays.

4Wordo xoossata kaallizayti

bantta bolla meto darseettes.

Gido attiin

tani eeqa xoossatas shukkike;

isttas sunththaaka xeygikke.

5GODAWU! Taas laata xinxxoynne

qaaday nena;

6Ne taas wadhdhida zaway

lo7o gidides;

keehippe lo7o xinxxoy

tana gakkides.

7Tana zoriza GODAA galatays;

omars ta wozinay

tana tamaarssees.

8Tani ubbato GODAA sinththasays;

izi ta ushachchan diza gishshas

tani kokkorikke.

9Hessa gishshas

ta wozinay ufayettees;

ta shemppoyka woppu gees;

ta asateththayka hirgay baynda

shempi dees.

10Ne tana Si7oolen aggaka;

ne geeshshaza

wooqqana mala aggaka.1

11Neni tana de7o oge bessaasa;

ne matan kumeththa ufayssi,

nees ushachchan

mernaa ufayssi dees.2