Geeshsha Mexaafa
Mazamure Maxaafa 126
Pude Kezishe Yexxida Mazamure
GODAY nuna di7ettidayta
zaaridi Xiyoone ehida wode
nuus agumo misatides.
He wode nu doonay
miichchan kumides;
nu inxarsika
ufayssa mazamure yexxides;
histtiin kawoteththati bantta giddon,
«GODAY isttas
gita miish ooththides» gida.
Tumukka GODAY
nuus gita miish ooththides;
nunikka keehi ufayettidos.
Abeet GODAWU!
Negebe Bazzon ira bukisada
shaafa haaththan
kunththiza mala
nu duussa ooraththa.
Yeekkishe zeridayti
ufayssan yexxishe shiishshana.
Zereth tookkidi yeekkishe bidayti
mirqqeta tookkidi
ufayssan yexxishe simmana.
Geeshsha Mexaafa. Copyright © 2024 The Word for the World International. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.